لیستا 275 تاكە لیستە بەڕەڤانیێ ژ مافێن هەموو پێكهاتەیان دكەت
دلڤین رەشید:
ژبۆ پشتەڤانیكرنا لیستا (275) یا پارتی دیموكراتی كوردستان، بۆ هەلبژارتنێن جڤاتا نوونەرێن عیراقێ، كۆمەكا گەنجێن ئێزدی سترانەك تۆماركر و ب شێوەیەكێ مۆدرن هاتە كلیپكرن و تێدا داخواز ژ دەنگداران هاتیە كرن دەنگێ خوە بدەنە وێ لیستێ و بەربژارێن وێ.
سترانبێژ (ئەلمان ئەمین) د دیدارەكێ دا بۆ رۆژنامەیا ئەڤرۆ گۆت: ئەڤ ڤیدیۆ كلیپە ژلایێ كومەكە گەنجێن ئێزدی ڤە ژبۆ پشتەڤانیا لیستا 275 یا پارتی دیموكراتی كوردستان هاتیە چێكرن و ئارامانجا مە یا سەرەكێ ئەوە ب رێكا سترانگوتنێ ئەم وەك گەنجێن ئێزدی پشتەڤانیا خۆ بۆ لیستا 275 یا پارتی دیموكراتی كوردستان دیاربكەین، چنكو د باوەریا مەدا تاكە لیستەیە بەڕەڤانیێ ژمافێن گەلێ كورد بگشتی و هەموو پێكهاتەیان ب تایبەتی دكەت.
هەروەسا گۆت: ئەڤ سترانە ژ یەیڤێن (سەعید جردۆ) ی نە، كو سەرۆكێ دەستەیا بلندا بنگەهێ لالش یێ رەوشەنبیری و جڤاكی یە ل دهۆكێ و ژ دەرهێنانا (مازن ئیسیانی) یە، وێنەگر (خێری خەلیل) سەرپەرشتی تەكنیكی (ئەیاز خانكی) و ل مۆزەخانەیا ئیڤان ل خانكی هاتیە وێنەكرن.
