ئاكرێ ڤهگهڕیا سهرێ لیستێ و ههڤڕكی دژوارتر لێهاتیه
قەیس وەیس:
ب دووماهی هاتنا یاریێن گهڕا 26ێ ژ ههڤڕكیێن خولا پلا نایابا كوردستانێ یا تهپا پێی تیما یانهیا ئاكرێ ڤهگهڕیا سهرێ لیستا رێزبهندییا خولێ و هیڤیێن زاخۆ بۆ ناسناڤی لاواز بووینه و تا رادهیهكی دهۆكێ مانا خوه پاراستیه.
تیما یانهیا ئاكرێ ب هیڤی و ئارمانجێن خوه گهشبین بوویه پشتی شیایی پێشڤه بهێته سهرێ لیستا خولێ ب سهركهفتنا خوه ل سهر ههڤڕكا خوه پێشمهرگهیا ههولێرێ ب سێ گۆلان بهرانبهر گۆلهكێ، ئهڤ سهركهفتنه وهكریه كو ئاكرێ رێزا ئێكێ بهێت ب 44 خالان ژ 12 سهركهفتن، ههشت وهكههڤیا، لێ هێشتا دێ شهڕی بۆ دهستڤه ئینانا سهركهفتنان كهت پێخهمهت پاراستنا سهرێ لیستێ ههتا دووماهی یاری، ژبهركو یانهیێن پێشمهرگهییا ههولێر و شێروانه بتنێ دو خالان كێمتر ههنه و ههتا رێزا شهشێ ژی گهڤان ل سهرێ لیستێ دكهت.
ژلایێ خوهڤه تیما یانهیا زاخۆ هیڤیێن ناسناڤی لاواز كرن پشتی دگهل برایهتی ب دو گۆلان تووشی خوسارهتیێ بوویی، كوڕێن خابوری ب 35 خالان رێزا حهفتێ دهێت ژ حهفت سهركهفتن و 14 وهكههڤییان كو مهزنترین رێژهیا وهكههڤیانه د خولێ دا، ههرچهنده هیڤیێن وێ بۆ سهرێ لیستێ و ناسناڤی لاواز بووینه لێ د تهپاپێی دا ههموو ئهنجامهك دهێته پێشبینیكرن.
د بهرانبهر دا تیما یانهیا دهۆك د كلاسیكۆیا كوردستانێ بهرانبهر ههولێرێ تووشی خوسارتیێ بوو ب گۆلهكێ بێ بهرانبهر، ئهلهۆیێن چیا 32 خال ههنه رێزا 10ێ دهێت ژ ههشت سهركهقتن و ههشت وهكههڤیان و ههتا رادهیهكی جهێ خوه دناڤ پلا نایاب دا پاراستیه و ههر چار یاریێن مایی دشێت مانا خوه ئێكلابكهت.
ههلوهستێ گشتی یێ رێزبهندیێ بڤی شێوهیه.
1- ئاكرێ 44 خال
2- پێشمهرگهیا ههولێر 42 خال
3- شێروانه 42 خال
4- ڕانیه 37 خال
5- سیروانی نوو 37 خال
6- هندرین 36 خال
7- زاخۆ 35 خال
8- دهربهندیخان 34 خال
9- چوارقۆرنه 34 خال
10- دهۆك 32 خال
11- برایهتی 31 خال
12- ههولێر 31 خال
13- شهقلاوه 30 خال
14- سهیدسادق 29 خال
15- ئارارات 28 خال
16- سۆران 27 خال