دارڤان خالد: بۆ وەرزێ نوو گوهۆڕین پەیدابووینە و بەرهەڤییێن باشتر دهێنە کرن
شاهۆ فەرید:
د دیدارەکێ دا دارڤان خالد ڕاهێنەرێ تیما فوتبۆلا یانەیا دهۆک بۆ ژیێن بن٢١ سالێ دا دیارکر هەتا نوکە ئەو ل سەر پلانێن ئەکادیمی و ڕێکخستی کاردکەن و بەرهەڤکرنا یاریزانان بۆ تیما یانەیێ ئەوا پشکدار د خولا ستێرێن ئیراقێ دا و بۆ وەرزێ نوو گوهۆڕین پەیدابووینە.
زێدەتر ناڤهاتی گۆت: دێ بزاڤێ کەین تیمێ بەر ب ئاست و ئەنجامیێن باش ببەم، داهاتی دا یاریزانێن خۆمالی ژێ زێدەتربن بۆ خولا ستێرین ئێراقێ و نایابا کوردستانێ، کارگێری یا هاریکار و پشتەڤانە و دلخوەشم ئەڤی وەرزی سێ یاریزانێن وەرزێ بوری ل گەل تیما مە نوکە دا یێ ل تیما خولا ستێرین ئێراقێ پشکدارن، دپاشەرۆژی دا دبینم پتر دەلیڤا یاریکرنێ بدەنی، ئەڤی وەرزی ب ڕژدی کاردکەین بۆ سەرئێخستنا چەند یاریزانێن دی.
دارڤان خالدی گۆت ژی: ئەرکێ مە بۆ وەرزی ئەڤ سالە ب زەحمەتە، چونکۆ وەرز بۆ وەرزی خول هبێزتر دکەڤیت بارێ مە گرانتر دبیت، ستافێ مە سێ ڕاهێنەران پێکهاتیە ئەز وەکۆ ڕاهێنەرێ سەرەکی و گوهدار سەبری ڕاهێنەرێ شیانێن جەستەی و ئەحمەد ڕاهێنەرێ گۆلپارێزان، ئەم دێ هەڤرکییێ لسەر ڕێزبەندیێن دەستپێکی کەین، ئەڤە ماوەیێ مەهەکە پترە مە دەست بەرهەڤیا کری، مە چەند تێست ژی بۆ هندەک یاریزانا کریە.
هەروەسان ڕاهێنەرێ دهۆکێ گۆت: مە دڤیا پێشوەخت ڕاهێنانان بکەین بۆ چارەسەکرنا کێماسیان، گەلەك گوهۆرین د پێکهاتیێ تیما گشتی دا هاتینە کرن، دبیت تیما مە پێکهاتیەکێ نوو بیت، چەند یاریزان بۆ جارا ئێکی یە پشکداربن، مە باوەری ب شیانێن خوە و یاریزانان هەیە ئەڤی وەرزی تشتەکێ باشتر ژ وەرزێ بوری بکەین، چونکۆ وەرزێ بوری تیما بێسەروبەر و لاواز بۆ هەر زوو ئەم شیاین رێژەیا هەرە باش تیمێ پێشڤە بینین و مانا خوە پارێزین.
