ئهڤرۆ دهۆك و ههولێر د دێربیهكێ ئاگرین دایه
قهیس وهیس:
چاڤهڕێ دهێته كرن ئهڤرۆ ل دهمژمێر 2:30 پشتی نیڤرۆ چار یاریێن مایی ژ چارچووڤهیێ خولا پلا نایابا كوردستانێ ل یاریگههێن جودا یێن یانهیێن ههرێمێ بهێنه ئهنجامدان، دهۆك و ههولێر د دیرێبیێ ئاگرین دا و زاخۆ دێ بیته مێڤانا برایهتی د دو ئارمانجێن جودا.
ل یاریگهها دویێ یا شههید فرانسۆ حهریری تیما یانهیا دهۆك دێ بیته مێڤانا یانهیا ههولێرێ د دێربیهكێ ئاگرین و هێز دا، ههردو یانه د رێزبهندیێن دوور یێن سهرێ لیستێ دانه، دهۆك خودانا 32 خالان رێزا نههێ دهێت ژ ههشت سهركهفتن، ههشت وهكههڤییان رێزا نههێ دهێت، بهرانبهر دا ههولێر ب28 خالان رێزا 14ێ دهێت ژ حهفت سهركهفتن و حهفت وهكههڤییان، ههردو یانه ب ئێك ئارمانجه سهركهفتن پێخهمهت دووركهفتن ژ رێزێن دووماهیێ و مهترسیا داكهفتنێ دا، د قۆناغا ئێكێ ههولێر شیابوو ب گۆلهكێ سهركهفتنێ ل سهر دهۆكێ بینت، تیما ئهلهۆیێن چیا نێزیكی پاراستنا مانا خوه بوویه د خولێ دا و سهركهفتنا ئهڤرۆ دبیت رێژهكا مهزن بۆ پێشڤهچوونێ و پاراستنێ بكهت.
ژلایهكێ دووڤه تیما یانهیا زاخۆ ژی ل ههولێرا پایتهخته لێ دێ بیته مێڤانا یانهیا برایهتی د یارییهكا دی یا ئاگرین دا، تیما كوڕێن خابووری ب35 خالان رێزا حهفتێ دهێت ژ حهفت سهركهفتن، 14 وهكههڤییان، بهرانبهرێ وێ خودانێن ئهردی برایهتی ب28 خالان رێزا 13ێ دهێت، ئارمانجا زاخۆ دڤێ یاریێ دا سهركهفتنه و هیڤیێن شهڕی بۆ رێزێن ئێكێ و دهستڤه ئینانا ناسناڤی یه، كورێن خابۆری د رژدن ئهڤرۆ ب گههنه سێ خالێن دی یێن یاریێ و بهر ب هیڤیێن خوه بچن و دبیت كۆمهكا باش یا یاریزانێن وان د خولا ستێرێن ئیراقێ دا ژی پشكداربن.