ئۆفەرا 200 ملیۆن یۆرۆیان هاتە ڕەدكرن
سەرۆكێ یانەیا بەرشەلۆنا خوان لاپۆرتا دیار كر ئەوان ئۆفەرەكا گران بوها ڕەدكر ژبۆ دەست بەردانا ستێرێ خوە یێ گەنج یێ ئسپانی ئەلئەمین جەمال و دۆپاتی ل سەر پشت گەرمی ب ئاست و شیانێن وی.
لاپۆرتایی د دیدارەكا رۆژنامەڤانی دا گۆت: چەند ئۆفەرێن گران بوها یێن گرێبەستێ بۆ چەند یاریزانێن مە هاتینە ژ وانا ئەلئەمین جەمال كو 200 ملیۆن بەرانبەر دەست بەردانا وی بۆ مە هاتییە پێشكێشكرن، لێ مە ڕەدكر ژبەركو مە باوەری ب شیانێن یاریزانێن خوە یێن هەین و ئەم نەچار نینین بفرۆشین، پرۆسەیا كاودانێن دارایی بەر ب باشیێ دچیت و قەیران ب دووماهی دهێن، لەوما مە هزر د فرۆشتنا ئەڤی یاریزانی و هەر گەنجەكێ تیما مە نە كرییە، لێ هەكە یاریزان یێ رژدبیت و حەز بكەت بچیت وی دەمی دێ گەنگەشێ ل سەر كەین لێ ئەم رژدین چو یاریزانێن گەنج ژ دەست نەدەین و مە پلان و پرۆژەكێ مەزن ل بەر هەیە.