ئەمریکا موولەتا ٩٠ رۆژان بۆ عیراقێ نوو کر
ئەڤرۆ نیوز:
حوکمەتا ئەمریکا بۆ جارا سیێ بریار دا بۆ ماوێ سێ ھەیڤێن دی مولەتێ بدەتە حوکمەتا عیراقێ بۆ ئینانا وزێ ژ ئیرانێ و د ڤی ماوەی دا ماوێ سزایێن سەپاندی یێن واشنتون دژی ئیرانێ ناگریت.
ئاژانسا فرانس پرێس ژ زاردەڤێ چەند بەرپرسێن بلندێن عیراقێ بەلاڤ کر ئەمریکا ماوێ ٩٠ رۆژێن دی ئانکو سێ ھەیڤ مولەت دایە عیراقێ داکو وزا کارەبێ و غازا سروشی بۆ خوە ژ ئیرانێ بکریت و ئەڤه بۆ جارا سیێ یە ئەمریکا ڤێ مولەتێ بۆ عیراقێ نوو دکەت ھەتا کو چارەیەکا دی بۆ خوە بینن ل شوونا ئیرانێ.
عیراق نوکە سالانە ٢٨ ملیۆن مترێن سێجا غازا سروشی ژ ئیرانێ دکریت بۆ وێستگەھێن کارەبێ دھێتە بکارئینان زێدەباری ھزار و ٣٠٠ مێگاواتێن کارەبێ ژی ژ ئیرانێ بۆ باشورێ عیراقێ دکریت.
