ئەنشلۆتی: ریال مەدرید گرنگترە ژ مباپی
راهێنەرێ ئیتالی و یانەیا ریال مەدرید دۆپات كر ئەو هند گرنگیێ ب بابەتێ هاتنا ستێرێ فرەنسی و یانەیا پاریس سانجێرمان كێلیان مباپی پێ نادەت و ژ قەبارێ خوە دەركەفتییە.
زێدەتر كارلۆ ئەنشلۆتی بۆ رۆژنامەیا سكایی سپۆرت گۆت: هەرچەندە هەر راهێنەرەكێ یانەكێ حەز دكەت باشترین یاریزانێ جیهانێ دگەل تیما وی دا هەبیت، لێ هەكە هاتنا یاریزانەكێ ببیتە بابەتێ دو سالان و درێژبیت و ژ قەبارێ خوە دەركەڤیت راهێنەر پێدڤی پێنابیت و دێ ل پێگوهۆڕان گەڕییت، لەوما ریال مەدرید هەردەم ل رێكێن باش دگەڕییت و بۆ من ئەڤ یانە گرنگترە ژ مباپی و ئێدی بۆ مە خەم نینە بهێت یان نە، ژبەركو ئەو دێ بڕیارا خوە دەت و هەكە حەز هەبیت دەرگەهـ بۆ ڤەكرییە.
سەبارەت ڕەدكرنا راهێنەراتییا هەلبژارتیێ بەرازیل گۆت: ژبەركو ئەز ل یانەیا ریالێ كەیفخوەشم و چو ئاریشە و ئاستەنگ نینن لەوما من ڕەدكر و ئەز ب چەنسم راهێنەراتییا ئەڤێ یانەیا مەزن دكەم.