ئەڤرۆ و سوباهی شەڕێ دەربازبوونێ یە و ریمونتادا ب ڕێڤەنە
شاهۆ فەرید:
چاڤەرێ دهێتە كرن ئەڤرۆ و سوباهی چار یاری ژ قۆناغا چارێك دووماهییا قارەمانییا یانەیێن ئۆرۆپا قارەمانیێن خولا چامپیونز لیگ دەربازبوون بەر ب قۆناغا پێش دووماهیكێ دیاربن ئەوا دێ ل دەمژمێر 10 شەڤ هێنە ئەنجامدان.
بەرشلونا – پاریس سانجێرمان
ئەڤ شەڤە یانەیا بەرشەلونا یا ئیسپانی د ناڤا یاریگەها خوە كامب نوو دێ مێڤانداریا یانەیا پاریس سانجێرمان یا فرەنسی كەت، پشتی بەرشەلۆنا ب سێ گۆلان بەرانبەر دو گۆلان سەركەفتنا یاریا چوویی ئینایی پێنگاڤەكا باش هاڤێتیە و هەر ئەنجامێ هەبیت لێ دڤێت دو گۆلا زێدەتر ل سەر نەهێن دا دەربازبیت، ژلایێ دوڤە پاریس سانجێرمان دڤێت وێ خەونا هندە سالە بۆ ب دەستڤەئینا ناسناڤی دبینیت ڤەگەڕینیت، بۆ زانین د دیدارێن وان دا ئەڤە دێ بیتە یاریا وانا 12 چامپیۆنزێ دا، پێنج سەركەفتن بۆ برشلونە و سێ سەركەفتن بۆ پاریس و سێ وەكهەڤی هەمی ئامار ژی بەرژەوەندیا یانەیا كەتەلونی دانە.
بۆرۆسیا دۆرتمۆند – ئەتلتیكۆ مەدرید
یانەیا بۆرۆسیا دۆرتموند یا ئەلمانی دناڤا یاریگەها خوە دا دێ مێهڤانداریا ئەتلتیكۆ مەدرید یا ئسپانی كەت و ئەڤی وەرزی ئەتلتیكۆ چامپیونزێ ئاستەكێ باش پێشكێكریە بەربژارەكا ب هێز دەرێخستیە و یاریا چوونێ سەركەفتن ژی ئینایە لێ ئەڤە نابیتە رێگری بۆ یانەیا دۆرتموند چونكۆ جێوازیا گۆلا نە گەلەكە ژبەركو د یارییا ئێكێ دا ئەتلەتیكۆ ب دو گۆلان بەرانبەر گۆلەكێ سەركەفتن ئینابوو، لێ پا دێ هەمی هێزا خوە ب كارئینن جەماوەرێ خوە رازی بكەن و دەربازبن، یانەیا ئەتلتیكۆ ب سەرپەرشتیا راهێنەرێ خوە یێ ئەرجەنتینی سیمیونی بەرگریەكا ب هێز دهێنە د ناڤا یاریگەهێ دا و یانەیا بەرامبەر كەڤیتە مەترسێدا، دو جاران گەهشتیە یاریا دووماهیێ وتووشی شكەستنێ بووی دێ بزاڤێ ئەڤ جارە بگەهنە یاریا دووماهیێ و ناسناڤێ چامپیونز لیگێ ب دەستخوەڤە بینن.
مان ستی – ریال مەدرید
سوباهی ل رۆژا چارشەمبێ یانەیا مانچستەر ستی یا ئینگتەرایێ ل یاریگەها خوە دێ مێهڤاندارییا یانەیا ریال مەدرید یا ئسپانی كەت و ئەڤ یاریە دێ بۆ هەردو یانەیان یا ب زەحمەت بیتن چونكۆ د یاریا چوونێ دا یارییا وان ب وەكهەڤیا سێ گۆلان ب دووماهی هاتبوو، هەردو یانە دێ جەنگەگێ ئاگرین كەن بۆ دەستڤەئینانا پلێتا قۆناغا پێش دووماهیێ، ئێك ژ وان بەربژارا ب هیزە بۆ دەستڤە ئینانا ناسناڤێ چامپیۆنزێ تایبەت ریال مەدرید، د بەرامبەر دا مان ستی ژی ژمارەكا زەحمەتە بۆ یاریكرنێ دا د شیان دایە ژ تەلهێن وێ دەرباز بیت، چێدبیت بۆ ڤێ یاریێ ئەو یاریزانێن تووشی هنگاڤتنێ بووین دووبارە ڤەگەڕن یێ هەرە گرنگ بەرگریكارێ وی والكەر.
بایرن میونخ – ئەرسنال
یانەیا بایرن میۆنخ یا ئەلمانی بناڤودەنگیا خوە یا باڤاری پشتی وەكهەڤیا یاریا بوری ب دو گۆلا د ناڤا یاریگەها خوە دا دێ مێهڤانداریا ئارسنال یا ئنگلتەرایێ كەت كەتن و تنێ هەلبژارتنا سەركەفتنێ هەیە و چ پێكگهور نینن كو بشێت جەماوەری خوە رازی بكەت ژبەر دەستدانا خولا ناڤخوەیی پرێمەرلیگ دا، د بەرامبەر دا ئارسنال ئەوا هەڤڕكیێ ل سەر ناسناڤێ خولا ئنگلتەرایێ دكەت ل چامپیونزێ بەرڤە بەر ب دووماهیێ بچیت و پێشبینی كرن بۆ ڤێ یاریێ یا ب زەحمەتە چونكۆ ئاستێ هەردو تیمان نێزیكی ئێكن، لێ یانەیا بایرن میونخ د ناڤا ئەردێ خوە دا ب هێزتر دیاردبیت و كڤاشتنێ دئێخیتە ل سەر یانەیا میهڤان و مەترسیێ پەیدا دكەتن، لێ یانەیا ئارسنال ژی خودانا هێلەكا هێرشبەریا ب ترسە ب سەرپەرشتیا ئەرتێتایی خەونا برنا چامپیونزێ بەر ب راستێ دچیت و جارەكێ چوویە یاریا دووماهیێ و شكەستن ئینایە بەرامبەری بەرشلونا.
