ب توهمەتا گەندەلییێ لژنەیا دەستپاكیێ یا نێڤدەولەتی سەرۆكێ فدراسیۆنەكا ئیراقی سزادا
ب فەرمی لژنەیا دەستپاكیێ ل فدراسیۆنا یاریێن ئاڤێ و مەلەڤانییان یا نێڤدەولەتی خالد عەبدولواحد كیبان سەرۆكێ فدراسیۆنا یاریێن ئاڤێ یا ئیراقێ ژ چالاكییان ڕاوەستاند و سزادا ژبەر هەبوونا كەیسا گەندەلییێ د ماوەیێ كارێ وی دا.
لدووڤ دەنگۆباسێن رۆژنامەڤانی خالد عەبدولواحد كیبان پێشتر شیرەتكارێ سەرۆك وەزیرێن ئیراقێ یێ بەرێ محەمەد شیاع ئەلسودانی و سەركێ پێشتر یێ یانەیا حەشد ئەلشەعبی بوو، لێ پشتی هاتنا سەرۆك وەزێرێ نوو عەلی ئەلزەیدی، كۆمەكا كەیسێن گەندەلییێ ل سەر هاتینە دیاركرن بوو ئەگەر ژ كارێن وی هاتیە دوورئێخستن و پێڕابوونێن یاسایی ژی ل گەل هاتینە كرن ژوانا زیندانكرنا وی بۆ ماوەیێ ئێك سال و دوورئێخستنا دووماهیێ ژ هەر چالاكییەكا وەرزشی ل ئیراقێ و دەرڤە.
پشتی ئەڤ كەیسە گەهشتینە فدراسیۆنا یاریێن ئاڤێ و مەلەڤانییان یا نێڤدەولەتی ئێكسەر دووڤچوونا بابەتی هاتە كرن و ب فەرمی بڕیارا دوورئێخستنا وی ژ هەموو چالاكیێن خوە دا و ئەو داخوازییا هاتییە پێشێشكرن بۆ وەرگرتنا ئەندامەتییا فدراسیۆنا ئاسیا یا هەمان یاری بهێتە ڕەدكرن و هەتا هەتایی پشكداری د هیچ چالاكییەكێ دا نەكەت.
بۆ زانین عەلی ئەلزەیدی سەرۆك وەزیرێن ئیراقێ بڕیاردایە ب دانانا لژنەیەكا تایبەت یا دووڤچوونا هەموو بەرپرسێن وەرزشی و یانەیان بكەت هەر لایەنەك كەمتەر خەم بیت یان گەندەلی هەبیت د كارێ خوە دا دڤێت ئێكسەر بهێتە هنارتن بۆ دادگەهێ.