ب پشتەڤانییا حوكمەتا هەرێمێ نەهـ فیدراسیۆنێن وەرزشی دێ چالاكیێن خوە ئەنجامدەن
قەیس وەیس:
ب شێوەكێ فەرمی لژنەیا ئۆلمپییا كوردستانێ راگەهاند ج ماوەیێ بهێت دا بڕیار هاتیە دان نەهـ فیدراسیۆنێن وەرزشی ل كوردستانێ دێ دەست ب كار و چالاكیێن خوە یێن وەرزێ ئەڤ سالە كەن ب پشتەڤانییاكابینا نەهێ یا حوكمەتا هەرێما كوردستانێ.
د راگەهاندنەكا فەرمی یا لژنەیا ئۆلمپییا كوردستانێ دیار كر بڕیار هاتیە دان هەر ئێك ژ فیدراسیۆنێن وەرزشی یێن یاریێن، گۆرەپانێ، كیك بۆكسینگ، مەلەڤانی، پایسكلان، ووشوكۆنفۆ، شمشێربازی، تێنسا ل سەر ئەردی، بلیار و یارییا جمناستیكێ و ب فەرمی پارە بۆ بڕێڤەبرنا كار و چالاكیێن وان ژلایێ لژنەیا ئۆلمپییا كوردستانێ هاتینە دابینكرن.
د هەمان راگەهاندنا خوە دا هاتییە كو د ماوەیێ ڤێ حەفتیێ دا و رۆژێن بهێت ل دووڤ پرۆگرامەكێ رێكخستی دێ كار و چالاكیێن ئەوان فیدراسیۆنێن ناڤێن وان دیاركری هێنە دانان پێخەمەت دەستنیشانكرنا دەم و ژڤانێ هەر قارەمانیەك و خولەكێ بهێتە راگەهاندن كو چ كارتیكرنێ ل سەر شێوازێ بڕێڤەچوونا چ چالاكیان نەكەت، هەروەسان دیار كرییە كو لژنەیا ئۆلمپییا كوردستانێ وەكو دەزگەهەكێ وەرزشی یێ هەرێمێ یە و هەمی كار و چالاكیێن خوە ب پشتەڤانییا كابینا نەهێ یا حوكمەتا هەرێما كوردستانێ بڕێڤە دبەت.