جەژنا سەرێ سالا ئێزدیان دبیتە كورتە فلم
دلڤین رەشید:
دەرهێنەر (مازن ئێسیانی) د دیدارەكێ دا بۆ رۆژناما ئەڤرۆ دیاركر كو كورتە فلمەك ل دۆر هێما و رامانێن وان ریورسمێن د جەژنا سەرێ سالا ئێزدیا دا هەین هاتیە بەرهەم ئینان، جونكی ئولا ئێزدیان گریدانەك ب سروشتی ڤە هەیە، لەورا پتریا وان هێمایان دەربرینێ ژئافراندنا كنیاتی دكەن، ئەڤە ئێك ژ بەرهەمێ وار تیڤی یە بۆ جەژنا سەرێ سالا ئێزدیان.
ناڤهاتی گۆت: ئەڤە بۆئێكەم جارە كورتە فلمەكی ب ڤی شێوازێ پرۆڤیشینال ل سەر جەژنا سەرێ سالا ئێزدیان دهێتە دورستكرن كو ژ نڤیێسن و دەرهێنانا مازن ئێسیانی یە وپرۆدێكشنا كاك یاز خدر و كاك ڤەگەر و كاك دلگەش ب كارێ وێنەگرتنێ رابوویە وئەكتەرا خودان شیان بەهار خان رۆلێ سەرەكی گێرایە و مەرەم ژڤی كورتە فلمی ئەوە جوانی و پیرۆژیی هێماێن ئولا ئێزدیان بدەینە خویاكرن، ژبەر كو ئەڤ ئۆل مێژویەك كەڤنار هەیە، سەرەرایی هندی دقوناغێن جودا دا چەندین فەرمان و كارەسات دیتینە بەلی هەر رەسەناتیا خوە پاراستینە ، گرنكە ئەم وەك گەنجێن ئێزدی ژی ب شێوازەكی سەردەمیانە و پروفیشینال ڤان هێما و پیرۆزیان ب پارێزین.