حەز ژ ڕەنگێن هارمۆنی دكەت
هەرهین محمەمد
شێوەكار(جۆتیار نزار) د دیدارەكێ دا بۆ رۆژنامەیا ئەڤرۆ دبێژیت: ئەز وەكو هونەرمەندەك ب خۆ شێوەكارەكێ تایبەت یێ كەسێ نینم، بەلكو كارتێكرنا رێبازێن هونەری ئیمپریسیونیزم و ئیكسپریسیونیزم و هونەرێ تەجریدی ل سەر من هەیە، بەلێ پتر ئارەزو حەزا من ئەوە كو ب شێوازەكێ جودا بكاربینم كو شوون تبل و هەستێ كوردینیێ تێدا دیاربیت و ئیلهام و هزر بۆ هەركەڤالەكی ب شێوەكێ جودا دهێت هندەك جاران ژ سرۆشتی و هندەك جاران ژ روودانەكا جیهانی یان ناڤخۆیی و هندەك جاران ژی تشتەكێ گەلەك سادە یێ بەردەستە، یان ب ڕەنگەكێ جودا، بەلێ یا گرنگ ئەوە هەست و هزرێ ڤە گوهێزمە سەر كەڤالی.
زێدەترگۆت: د ڕەنگان دا پتر حەزژ رەنگێن هارمۆنی و ئارام دكەم نەكو رەنگێن گەلەك توخ یان تاری و ل سەر كەڤالێن خوە پتر رەنگێن هارمۆنیك پتر بكاردینم داكو بینەر پتر هەست ب ئارامیێ بكەت و ئارامانجا من یا سەرەكی ئەوە دكەڤالان دا ئەوە روحیەت و هەست و روحا كوردی ڤەگوهێزمە بینەری و گرنگ نینە كەڤال تشتەكێ نوو یان كەڤن دیاربكەت، یان بتنێ كەڤالەكێ ئەبسترایك بیت، گرنگ ئەوە دەمێ بینەربەرێ خۆ ددەتێ ڕەنگ و هەستێ كوردی تێدا بیت و هەست پێ بكەت.
