خوەلێکدانا زاخۆ دڤێت نفشەکێ نوو ئامادە بکەت
عەلی حاجی :
د داخویانیەکێ دا سەرپەرشتێ تیما خوەلێکدانا زاخۆ بۆ رۆژناما ئەڤرۆ دیار کر ب ڕێیا ڕاهێنەرێن گەنچ وان دڤێت نڤشەکێ نوو یێ یاریزانێن خوەلێکدانێ بگەهینن و ئەو ناهێلن ئەڤ یاریە ل زاخۆ ژناڤ بچیت.
زێدەتر رەمەزان حەسەن گۆت: ل سەر ئاستێ تیمێن تازە پێگەهشتی و لاوان تیمێن باش و رێک و پێک هەنە و ئەم دشێن وان ب تیمان ژی هەڤرکیێ دگەل تیمێن عێراقێ بکەین و باشترین بەلگە ژی بۆ ئێکەمجار ل سەر ئاستێ ئیراقێ ب یاریا خوە لێکدانێ لاوێن زاخۆ شیان رێزا ئێکێ ب دەست خوەڤە بینن ژبەر هندێ ئەم د نوکە دس ب شێوەیەکێ باشتر کار دکەین دا کو بشێن نڤشەکێ نوو و یێ باش ب ڤێ یاریێ ل زاخۆ ئاڤا بکەین،بتنێ ل سەر ئاستێ پێشکەڤتیان ئەم
نەشێن هەڤرکیێ بکەین ژبەرکو یاریزانێن مە د نوو نە و چ شارەزایی د خولێ دا نینن و ئەم ب ڕێیا سێ راهێەرێن گەنچ کار ل سەر وێ تیمێ دکەن و مە باوەرییەکا مەزن ژی هەیە کو ئەو تیمە دێ شێت د پاشەرۆژێ دا دەستکەڤتیان ب دەستخوەڤە بینت.
ناڤبری گۆت ژی: یانه‌یا زاخۆ هەتا ڕادەیەکێ پشتەڤانیێ ل مە دکەت و ئەم نوکە دا چاڤەرێ دانانا ژڤانەکێ نە ژ بۆ قارەمانیا خوە لێکدانێ ل کوردستانێ و ئەو قارەمانیە باشترین ڕێکە کو بشێن شارەزایێ بۆ یاریزانێن خوە پەیدا بکەین.
