دخوازیت د بوارێ سینەمایێ دا هەبوونا خوە دیاربكەت
دلڤین رەشید
وێنەگر (لوئەی فندی چیچۆ) د دیدارەكێ دا بۆرۆژناما ئەڤرۆ دیاركر كو ئەو خەلكێ گوندێ ئێسیایە، ژ دایكبوویێ سالا 1992یە، ئەڤە نێزیكی دەه سالانە چوویە دبۆارێ راگەهاندنێ، وەك وێنەگر و گرافیك دیزانین ل چەندین ئاژانسێن ناڤخۆی و بیانی كاركریە و نوكە یێ ل كەنالێ سەما تیڤی.
ناڤهاتی گۆت: دقوناغا نوكە دا ژیان گەلەك ئاسان بوویە ئەگەر گەنجێن مە بخوازن خۆ فێری كارەكی بكەن كو ئەو كار ببیتە ژێدەرەك بۆ ژیان و پاشەرۆژا وان، چنكو ب هەبوونا ڤێ جیهانا بەرفرەه و هاتنا سۆشیال میدیایی دناڤ جفاكی مەدا، ئەم وەك گەنج دشێن ڤان دەلیڤان بۆ خۆ بگرن، و ب شێوازی راست و دورست ب كار بینن بۆ خوە مفایێ ژی وەربگرن و ژبلی كو من خوە فێری گرافیك دیزانێ كریە، من كورتە فلمەك ژی دورست كریە ل سالا 2022 وەك ئێكەم كارێ من یێ سینەمایی و دخوازم زێدەتر خوە دكارێ سینەمایێ دا بێش بێخیم و هەبوونا خوە دیاربكەم، چنكو ب ڤێ رێكێ مرۆڤ دشێت ئێش و ئازارێن مللەتێ خوە بگەهینت.