دهۆك تیڤی دو دراما بۆ هەیڤا رەمەزانێ‌ چێكرینە

دهۆك تیڤی دو دراما بۆ هەیڤا رەمەزانێ‌ چێكرینە

39

ئەڤرۆ

هەرهین محەمەد:

هەلكەت عەبدلواحد، رێڤەبەرێ‌ دهۆك تیڤی، د دیدارەكێ‌ دا بۆ رۆژناما ئەڤرۆ دیاركر كو ئەو دەمەكێ‌ درێژبوو ئەو مژوولی دو درامایان، ئێك ب ناڤێ‌ (فاول) ژدەرهێنانا عادل عەبدولمەجید و و یا دویێ‌ (باسۆ) ژدەرهێنانا بێوار عەلی بداخ كو نوكە ل شاشەیا دهۆك تیڤی دهێنە پەخشكرن.
ناڤبری گۆت: بەرهەمئینانا درامایێن خۆمالی پێنگاڤەكا گرنگە بۆ ئاریشە و كێشەیێن مە یێن رۆژانە یین كو دناڤ خەلكێ‌ مە دا و رێكەكا گەلەك كاریگەرە بۆ هشیاركرن و پتر پێشڤەبرنا جڤاكی و تاكی و هەروەسان گەلەك جاران گەهاندنا كومەكا پەیام و نامێن گرنگە بۆ جڤاكی و دەستهەلاتێ‌ و ژ بۆ هندێ‌ ئەم دەستنیشاكرنا بابەت و دیاردەیێن رەنگڤەدانەكا خراب هەی و گەلەك جاران بەر ب ئاراستەكێ‌ خراب دچن و ب رێیا درامایێ‌ ئەم خوە لێ‌ بكەینە خودان و ب هاریكاریا ناڤەندا خانی یا رەوشەنبیری راگەهاندنێ‌ ئەم شیاین ڤان هەردو درامایان بۆ هەیڤا رەمەزانا پیرۆز چێكەین و ل دووماهیا هەر خەلەكەكێ‌ پەیامەكا گەلەك گرنگ یا پەروەردەیی و پتر د بەرژەوەندیا چارەكرنا كێشەیان دایان ب سەرخستنا باشیێ‌ دا دیاركەن و دراما باسۆ ژی ژدەه خەلەكان پێكهاتیە و ئەكتەرێ‌ سەرەكی ل دەستپێكێ‌ ل گوندان دژیت ئەو رەسەناتی و تایبەتمەندێن خومالی كوردەواری رێزگرتن و راستگویی دلسوزی و كومەكا خاسلەتێن جوان دبینت كو دناڤ باژێری دا ل ئاستێ‌ پێدڤی ناهێتە دیتن، لەورا تورەدبیت و بزاڤێ‌ دكەت مایێ‌ خوە تێ‌ بكەت و تووشی ئاریشان دبیت.

کۆمێنتا تە