زاخۆ رێزا سێیێ پاراست و دهۆكێ دو خالێن گرنگ ژ دەستدان
شاهۆ فەرید:
تیما یانەیا دهۆك ل یاریگەها خوە بێ بەرهەڤبوونا پشتەڤانان دگەل مێڤانا خوە یانەیا كەرخ بێ گۆل وەكهەڤبوون و زاخۆ بەردەوامە ل سەر پاراستنا رێزا سێیێ، د چارچووڤەیێ هەڤڕكیێن گەڕا 22ێ یا خولا ستێرێن ئیراقێ هاتیە كرن.
دهۆكێ ئاستێ چاڤەڕێ كری نیشان نەدا
تیما یانەپا دهۆك بێ حازربوونا جەماوەرێ خوە دو خالێن گرنگ ژ دەستدان و دماوەیێ هەردو نیڤان دا ئەوا ئاستێ چاڤەڕێ كر یێ یاریزانان نە هاتە نیشان دان، هەرچەندە یاریزانێن دهۆكێ هندەم بزاڤێن كێم بۆ سەر گۆلا كەرخێ هەبوون و چەند دەلیڤەكێن گۆلكرنێ ژی هەبوون لێ مفا ژێ نە هاتە وەرگرتن، د نیڤا دویێ دا یاریزانێن كەرخ گڤاشتنەكا دەمكی ئێخستە ل سەر تیما دهۆكێ و هێرشێن مەترسی هەبوون، د بەرانبەردا پشتی ئەحمەد خەلەف راهێنەرێ دهۆكێ چەند گوهۆڕین كرین كو بۆ ئەگەڕی لڤینەك بكەیڤتە ل سەر ئاستێ تیمێ لێ دەرئەنجام دووماهی و گۆل نە بوون، تا فیركا دادڤانی ب وەكهەڤییا یاریێ بێ گۆل كو دبیتە تاما خوسارەتیێ بۆ تیما دهۆكێ.
زاخۆ رێزبەندییا سێیێ پارست
ژلایێ خوە تیما یانەیا زاخۆ بەردەوامی دا پاراستنا رێزبەندییا سێیێ پشتی شیایی ب سەركەفتنەكا گرنگ ژ باژێرێ سلێمانیێ ڤەگەڕیت ب دو گۆلان بێ بەرانبەر دگەل خودانێن ئەردی یانەیا نەورۆز سەركەڤیت، هەردو گۆلێن كوڕێن خابووری ژلایێ یاریزانان ئەمجەد عتوان وپیشەكار فرانك سێدرێك تۆماركرن، بڤی ئەنجامێ تیما زاخۆ ب 37 خالان جهێ خوە ل رێزا سێیێ پاراست ب جوداهییا گۆلان ژ یانەیا زەورا ئەوا ل رێزا چارێ دهێت و یانەیا شورتە ب 48 خالان سەرێ لیستا خولێ دهێت.