سايبهركاب ب باركرنا وايرلێسی و بێ شوفێر كار دكهت
لەزاتیا پێشكەفتنا تەكنۆلۆژیی د سەدەیێ بیست و ئێكێ دا چەمكێن کلاسیکى ب تهمامى گۆڕینە، ب تایبەتى د کەرتێ ڤەگوهاستنێ و پیشەسازیا ترۆمبێلان دا. ڕاگەهاندنا ترۆمبێلا تێسلا سايبهركاب ژ لایێ كۆمپانیایا تێسلا ڤە، پێنگاڤهكا وەرچەرخانێ یە د مێژووا ژیانا زيرهك و ئۆتۆنۆمۆس (خودژۆر) دا. ئەڤ ئامێرە نە تەنێ ترۆمبێلەکا كارهبایی یا نوو یە، بەلكو سەکۆیا سەرەکی یا پرۆژەیێ رۆبۆ تهكستى یە كو ئارمانجا وێ گۆڕینا تێگەهێ “خۆدانكرنا ترۆمبێلێ” یە بۆ “سەرپێكتیا ئۆتۆماتیکی و ب رهنگهكێ ب ساناهى”.
-1 ئەرک و ئەندازیاریا دەرەکی
ژ لایێ ئیرۆدینامیکى و ئەندازیاری ڤە، سايبهركاب ب بکارئینانا بنەمایێن مۆدێرنێن فیزیا باى هاتیە دیزاینکرن. چونکی ترۆمبێلەکا تەمام بێ شۆفێرە، ناڤخۆیا وێ ژ هەمى پێکهاتێن کلاسیکیێن وەک ستێرن (سوکان)، پێدالێن بڕێک و بەنزینێ، و ئاوێنەیێن تەنشتێ هاتیە پاقژکرن.
• دیزاینا بێ ستێرن: ئۆتۆماتیککرنا تەمام رێكێ ددەت كو ل شوێنا بەشێن شۆفێریێ، جۆگرافیایا ناڤخۆی ب تەمامی ب بیتە جهێ بهێنڤەدانا گەشتیاران.
• دەرگەهێن شێوازێ شەهپەڕى: دەرگەهێن وێ بەرەڤ سەری ڤە دڤەبن، ئەڤە ژى هاریکاریا کەمکرنا پانتایا پێدڤی بۆ ڤەکرنێ دکەت د جهێن تەنگ دا و ئاسانکاریا چوونەژوور و دەركەفتنا گەشتیاران ددەت.
-2 سیستەمێ زیرەکیا چێكرى
مێشکێ ناڤەندی یێ Cybercab د پشتیت ل سەر سیستەمێ Full Self-Driving (FSD) یێ نووترین نفش. بەرۆڤاژیا گەلەک کۆمپانیایێن دى ئێن کو سۆفتوێرێن ئۆتۆنۆمۆس بکاردئینن و پشتی ب LiDAR و نەخشەیێن پێشوەختە گرێدایینە، تێسلا پشتا خۆ ب تەکنۆلۆژیا Vision-Only بەستى یە.
• کامێرێن بەرزی جۆرى (High-Resolution Cameras): ترۆمبێل ب تەمامی چاڤەدێری دەوروبەرێن خۆ دکەت ب ڕێکا کامێرێن ٣٦٠ پلە.
• تۆڕێن عەسەبیێن کورور (End-to-End Neural Networks): سیستەم تەمامیا زانیاریێن وێنەیی وەردگریت و ڕاستەوخۆ دکەتە بڕیارێن هاژووتنێ (وەک پێدانا ئیستۆپێ، بڕینا کەڤرێن ڕێكێ، زانینا ئاماژەیان) ب بکارئینانا مۆدێلێن مێشکێ دەستکرد ئێن هاتیە مەشقکرن ل سەر ملیارەها کیلومەترێن هاژۆتنا راستی.
-3 شۆڕشا بارگاویوکرنا بێ تەلی (Inductive Wireless Charging)
ئێک ژ مەزنترین نووگەریێن زانستی د Cybercab دا نەبوونا دەمبۆسێن كلاسيكى يێن شحنکرنێ یە
(Plug-in Charging port).
Cybercab ئێكسهر تەکنۆلۆژیا Inductive Charging (بارگاویوکرنا ب ڕێکا بوارێ مەگناتیسی) بکاردئینیت. ترۆمبێل ل سەر بادەکا تایبەت ڕادەوستیت و ب ڕێکا شەپۆلێن ئۆکتڕۆمەگناتیسی وزە دچیتە د ناڤ پاتریێ دا ب بێ ئەوا چ کابل ب ترۆمبێلێ ڤە بهێنە گرێدان. ئەڤ چەندە رێكێ ددەت كو بنکەیێن روبۆتکسی ب بێ مڕۆڤ بشێن کاربکەن و د هەمان دەم دا تەمەنێ پرۆسەیا بارگاویوکرنێ درێژتر لێ بکەن.
-4 ئابووریا ڤەگوهاستنێ و ژینگەهـ
ژ لایێ ئابووری و ژینگەهی ڤە، ئارمانجا سەرەکی یا ئەڤێ ترۆمبێلێ کەمکرنا تێچوویێ ڤەگوهاستنێ یە ل سەر ئاستێ جیهانێ.
• تێچوویێ کێم بۆ هەر کیلومەترەکێ: تێسلا پێشبینی دکەت كو تێچوویێ کارپێکرنا ئەڤێ ترۆمبێلێ ببیتە نێزیکی ٠.٢٠ دۆلار بۆ هەر میلەکێ، كو ئەڤە گەلەک کێمترە ژ پاسێن گشتی و ترۆمبێلێن ئاسایی.
• کێمکرنا قەرەبالغێ: ب ڕێکا سیستەمەکێ هۆشمەند یێ هەڤبەش، ژمارا ترۆمبێلێن تایبەت ل ناڤ باژێران دا دێ کەم بیت، كو ئەڤە ب شێوەیەکێ ڕاستەوخۆ کەمکرنا ڕێژەیا غازێن ژەهراوی و دیۆکسیدی کاربۆن دگەل خۆ دئینیت.
Tesla Cybercab تەنێ هەنگاڤەکا نوی یا پیشەسازیا ترۆمبێلان نینە، بەلکو دەستپێکا سەردەمەکێ نویی یە د تەکنۆلۆژیایا ڤەگوهاستنا ژیر دا. ب بکارئینانا ژیرییا دەستکرد بێ هاریكاریا مڕۆڤى، ژێبرنا تێچوویێن شۆفێرى، و بکارئینانا وزەیا پاقژ ب ڕێکا بارگاویوکرنا بێ تەل، Cybercab دێ نەخشەیێ باژێرێن پاشەرۆژێ گوڕیت و تێگەهێ ڤەگوهاستنێ ژ “خۆدانکرنا تشتەکی” دێ گۆڕیت بۆ “وەرگرتنا خزمەتگوزاریەکا ئۆتۆماتیکی”.
