سعوود دۆسکی: شانازییە ب ئالایێ کوردستانێ ڤە ناسناڤەکێ دی یێ نێڤدەولەتی ب دەست ڤە بینم
هەرهین محەمەد:
یاریزانێ بەرنیاس یێ کوردستانی سعود خالد دۆسکی شیا ناسناڤێ قارەمانییا جیهانێ یا لەشجوانیێ ب دەستخوەڤە بینیت، د هەڤڕکیێن واندا ئەوا ل وەلاتێ ئەرمێنیا ل باژێرێ ئێریڤان کو پتر ژ ٢٥ وەلاتان پشکداربوون ئەو تاکە کوردستانی پشکداربوو،
لدورڤێ یەکێ ناڤهاتی گۆت: سوپاس بۆ خودێ شیام ڤێ قارەمانیێ ب دەستخوە بینم ب میدالییا زێری و بلندکرنا ئالایێ کوردستانێ یا بناڤێ NPC یا نیڤدەولەتی ل ئەرمینیا ب دەستڤەبینم کو دبیتە دەستکەفتێ دویێ یێ نێدەولەتی د ماوەییەکێ کورت دا، هەروەسان من زێدەتر ژ شەش جاران بەشداری د قارەمانیا (Mr. Universe) دا کری ب پلا دو، سێ و چوارێ د قارەمانیا ناڤدەولەتی یا NPC دا ل ئیراقێ پلا ئێکێ و مەدالیا زێڕی من ئینایە، پار ل جۆرجیا سێ مەدالیا دو زیڤ و ئێک برۆنزمن وەرگرتن، حەفتیا چووی ژی ل ئەزمێرێ د قارەمانیا جیهانی یا (NPC) دا پلا دویێ دەستخۆڤە ئینا، ب گشتی د سالا2025ێ دا من شەش ناسناڤێن ناڤدەولەتی ب دەستڤە ئیناینە.
هەروەسان گۆت: ئەڤ وەرزشە پێدڤی ب سیستەمەکێ دورست، خارن و ڤەخوارنا گران بها، و خەرجیەکا زێدە هەیە کو ژ شیانا خێزانەکا پێنج نەفەری پترە، گەنجێن مە شیانێن باش هەنە، بەلێ ئاریشە نەبوونا پشتەڤانیێ یە. جوداهیەکا مەزن هەیە د ناڤبەرا وەرزشا تەپاپێی و وەرزشێن دی دا هەموو وەرزشێن دی ل هەرێمێ هاتینە پشتگووخستن، ئەز وەکۆ یاریزانەکێ سەربەخۆ هەموو مەزاختی ل سەر کیستێ من بووینە.
