شاكر ئاكرهیی: ئهز وهستیام و ئێدی دێ هاریكاریا گهنجان كهم
دهۆك، كاوین جیهاد تهحلاڤی:
شهش سترانێن نوو یێن هونهرمهندێ دێرین (شاكر ئاكرهیی) ژلایێ كهنالێ وار تیڤی ڤه هاتنه كلیپكرن، كلیپهك ژوان وهك دیاریا جهژنێ هاته بهلاڤكرن و فیراس وهعدی بكارێ دهرهێنانا وان كلیپان رابوویه.
شاكر ئاكرهیی، بۆ رۆژناما ئهڤرۆ گۆت: دبیت ئهڤه دووماهی كلیپ بن ئهز چێدكهم و ژ نوكه وێڤه دێ پهیڤ و ئاوازان دانم، چنكو ئهڤه گهلهك ژمێژهیه ئهز سترانان دبێژم ئهز وهستیام دێ دهلیڤێ بۆ گهنجان هێلم، دخوازم ئهو ل سهر شێوازهكێ جوان و یێ كوردی ب تام و خۆشیهكا باش سترانان بێژن، بۆ زانین ئهز یێ حازرم هاریكاریا گهنجان بكهم، بهلێ ب مهرجهكی كو خودان دهنگ و ستایل و كهسهیهتیهكا جوان و بهێز بیت، ئانكو ب دروستی دهرحهق گۆتنا سترانان دهركهڤیت، بۆ زانین دهمهكه ئهو كهنال مژوولی چێكرنا فلمهكێ دكیۆمهنتاری یه ل دۆر ژیان و بهرههمێن من، شینوار كهمال دێ ب كارێ دهرهێنانێ رابیت.