شانۆگهریا (عاشقێن بای) ئهڤرۆ دێ هێته نیشادان
دهۆك، شاكر ئهتروشی:
شانۆگهریا (عاشقێن بای) كو ژ نڤیسین و دهرهێنانا هونهرمهند (مهسعود عارف) ه، ئهڤرۆ ل دهمژمێر شهشی ئێڤاری ل هولا محهمهد عارفێ جزیری دێ هێته نیشادان و بۆ دهمێ سێ رۆژان دێ یا بهردهوام بیت، دهمێ شانۆگهریێ (50) خۆلهكن و پێنج ئهكتهر تێدا دپشكدارن.
مهسعود عارف، نڤیسهرێ و دهرهێنهرێ وێ شانۆگهریێ، د دیدارهكێ دا بۆ رۆژناما ئهڤرۆ دیاركر كو ناڤهرۆكا شانۆگهریێ ل دۆر چهند گهنجانه كو باژێرێ خوه بجه دهێلن و قهستا دهرڤهی وهلاتی دكهن، دڕێ دا ههست ب وێ چهندێ دكهن كو ئهو وهك مرۆڤێن كۆرهنه، نه كۆره ب چاڤێن خوه، بهلكو كۆره ب تێگههێ فهلسهفی، لهورا ههموو پێكڤه بڕیارێ ددهن وجارهكا دی دزڤرنه باژێرێ خوه، ئهكتهرێن پشكدار دڤێ شانۆگهریێ دا ( محهمهد عهبدولعهزیز، هۆگر زاهر، فهرسهت عزهت، عهبدولسهلام رهمهزان، كاروان ئارت) ن، بۆ زانین هزرا ڤێ شانۆگهریێ من ژ دهقهكێ بیانی ب ناڤێ (نابیان) وهرگرتیه و رێڤهبهریا گشتی یا رهوشهنبیری و هونهری/رێڤهبهریا هونهرێ شانۆیێ ل دهۆكێ، ب ههڤكاری ل گهل كهنالێ وار ب كارێ پشتهڤانی و وێنهكرنا ڤێ شانۆگهریێ رابووینه.