شانۆگه‌ریا (كی دێ ده‌ركه‌ڤیت؟) ل چار قه‌زایێن دهۆكێ دێ هێته نیشادان
دهۆك، زنار تۆڤی:
ده‌رهێنه‌ر هه‌لكه‌ت ئدریس عابد، د دیداره‌كێ دا بۆ رۆژناما ئه‌ڤرۆ دیاركر كو شانۆگه‌ریا
(كی دێ ده‌ركه‌ڤیت؟) به‌رهه‌مه‌كێ هه‌ڤپشكه یێ رێڤه‌به‌ریا گشتی یا ره‌وشه‌نبیری و هونه‌ری ل دهۆكێ/رێڤه‌به‌ریا هونه‌رێ شانۆیێ، ب هه‌ڤكاری ل گه‌ل په‌یمانگه‌ها هونه‌رێن جوان/ پشكا شانۆیێ ل دهۆكێ، شانۆگه‌ری ژ نڤیسینا نڤیسه‌رێ فره‌نسی جان بۆل سارته‌ری یه، مه گه‌له‌ك گوهۆرین د تێكستێ وێ دا كرینه، مه كارێ دراما كوردی تێدا كریه، هه‌روه‌سا مه گرێكێن سه‌ره‌كی یێن وی تێكستی ڤه‌كرینه، دیسان مه گه‌له‌ك گوهۆرینێن بنگه‌هی د تێكستی دا كرینه.
هلكه‌تی گۆت: ل 26/12/2021 ێ ئه‌ڤ شانۆگه‌ریه ل پشكا به‌ریكانێ ل فیسته‌ڤالا كه‌ركووكێ هاتیه نیشادان، دیسان دو رۆژان ل دهۆكێ ژی، ل چه‌ند رۆژێن بهێن دێ ل قه‌زایێن ئامێدیێ و سێمێلێ و زاخۆ و ئاكرێ ژی هێته نیشادان، ئه‌كته‌رێن پشكدار د ڤێ شانۆگه‌ریێ دا قۆتابیێن پشكا شانۆیێ نه ل په‌یمانگه‌ها هونه‌رێن جوان ل دهۆكێ، ژ وان ژی چار ئه‌كته‌ر رۆلێ سه‌ره‌كی دبینن، ئه‌و ژی (نیگار نه‌بی، شرین ئه‌یوب، محه‌مه‌د ئدریس، حه‌سه‌ن حسێن و تیمه‌كێ دی ژی یێ ته‌كنیكێ و رۆناهیێ و مۆزیكێ و دیزاین و دیكۆری، هه‌ر قۆتابیێن په‌یمانگه‌ها هونه‌رێن جوانن ل دهۆكێ نه، ئه‌ڤ شانۆگه‌ریه ژ ئاماده‌كرن و ده‌رهێنان منه.
