فیدراسیۆنا فوتبۆلا كوردستانێ بڕیارێن توند دەركرن
شاهۆ فەرید:
د كۆمبوونا خوە یا ئاسایی دا فیدراسیۆنا فوتبۆلا كوردستانێ چەند بڕیار و راسپاردەیێن نوو دەركرن ژ وانا سزادانا سێ یاریزانێن تیما فوتسالێ و سەرۆكێ دەستەكا پشتەڤانێن یانەیا زاخۆ سزادان و چەندین بڕیارێن دی هاتبوونە دەركرن.
ل دووڤ بڕیارێن هاتینە دەركرن ژبەر گوتنا پەیڤێن نە جوان ژلایێ سەروكێ دەستەیا پشتەڤانێن یانەیا زاخۆ ئەوا د یاریا دناڤبەرا تیما زاخۆ دگەل تیما دهۆكێ ژ قۆناغا دویێ یا گەرا سێیێ ژ كوپا كوردستانێ بریار هاتەدان ب كوژمێ 250 دو سەد و پێنجی هزارا دیناران بهێتە سزادان و ئامادەنەبوون بۆ دو یاریێن بهێن ل یاریگەهێ ئامادەنەبیت ئەگەر دووبارە بۆ دێ سزا توند تربیت.
هەروەسان ل سەر روودانێن یارییا دووماهییا خولا فوتسالا كچان د ناڤبەرا یانەیا زاخۆ و ئافرەتێن دهۆكێ ژ بەر سەرەدەریێن دوور ژ گیانێ وەرزشی بریار هاتەدان، دوورئێخستنا یاریزانا زاخۆ سۆزان شڤان بۆ دو یارییان، نۆر زنار بۆ سێ یارییان و زۆزان ئیبراهیم بۆ دو یارییان و یانەیا زاخۆ ب پێنج سەد هزار دیناران هاتە سزادان، ئەگەر دوبارە بو ودێ هەلوەستەكێ تۆند تر هەبیت.
ژلایەكێ دووڤە فێدراسیونا فۆتبولا كوردستانێ ئاگەهداریا هەمی یانەیێن پشكدار د خولێن كوردستانێ دا تایبەت ئەو یانەیێن سزا ل سەر هاتینە دەركرن تا دووماهییا وەرزی ئەڤ سالە پشتگریەكا دارایی ژ بەشێ ژمێریاریا فێدراسیونا فۆتبولا كوردستانێ بۆ لژنەیا هەڤركیان بینن، بەرۆڤاژی هیچ نڤیسارەك ناهێتە وەرگرتن ژلایێ فیدراسیۆنێ ڤە.