مسته‌فا كازمی: دێ ل ڤان نێزیكان ده‌مێ هه‌لبژارتنان هێته راگه‌هاندن
ئه‌ڤرۆ نیوز:
مسته‌فا كازمی سه‌رۆك وه‌زیرێ عیراقێ راگه‌هاند دێ ل ڤان نێزیكان ده‌مێ هه‌لبژارتنان هێته راگه‌هاندن و داخازێ ژ لایه‌نێن تایبه‌تمه‌ند كار بكه‌ن، ژبوی یاسا هه‌لبژارتنان ده‌ر باس بكه‌ن.
مسته‌فا كازمی سه‌رۆك وه‌زیرێ عیراقێ ل جڤینا وه‌زیران ل پارێزگه‌ها به‌سره راگه‌هاند بڤان نێزیكان ده‌مێ هه‌لبژارتنان هێته راگه‌هاندن له‌ورا پێدڤیه لایه‌نه‌ێن تایبه‌تمه‌ند هاریكاربن بۆ ته‌مامكرنا یاسایا هه‌لبژارتنان و دانانا بنه‌مایه‌كێ زانستی بۆ هه‌لبژارتنێن پاقژ و دادپه‌روه‌رانه.
سه‌رۆك وه‌زیری عیراقێ ئه‌و چه‌نده ژی راگه‌هاند پێدڤیه خالێن توخیبی و به‌نده‌رێ به‌سره بكه‌ڤنه بن كونترولا ده‌سه‌لاتا ده‌وله‌تێ و یاسایێ، پشتی چه‌ند رۆژه‌كێن دی لیستا شه‌هیدێن رێزێن خونیشانده‌ران و هێزین ئه‌منی راگه‌هینین و خێزانێن وان ته‌ڤایا مافێن وان وه‌رگرن.
