مۆلەر: شەش سالە چاڤەڕێی دیدارا ریالێ مە
ستێرێ ئەلمانی و یانەیا بایرین میۆنخ تۆماس مۆلەر كەیفخوەشیا خوە دیاركر پشتی شەش سالێن چاڤەڕێ بوون ب دیدارا ریال مەدرید شاد بوویە، ئەڤچەندە هات پشتی هەردو یانە د قۆناغا چارێك دووماهیێ دا دەربازبووینە پێش دووماهییا قارەمانییا چامپیۆنز لیگ ئەوا بڕیارا یارییا ئێكێ ل30ێ ڤێ مەهێ ل ئالیانز ئارینا ل میۆنخ بهێتە ئەنجامدان و یارییا دویێ ل هەشتێ ئەیارا بهێت ل سانتیاگۆ بیرنابیۆ بهێتە كرن.
د پرێسكۆنفرانسەكێ رۆژنامەڤانی دا مۆلەر گۆت: زەلامێن ئەلمانی شیان هەردو یانەیان بگەهینە قۆناغا پێش دووماهیێ جواشوا كیمیچ بۆ بایرنێ و رۆدێگر بۆ ریالێ، گەلەك كەیفخوەش بوویمە پشتی چاڤەڕێ بوونا شەش سالان دۆبارە دێ یاریێ بەرانبەر ریالێ كەین كو گرنگترین یاریە ل سەر ئاستێ جیهانێ، بەرهەڤین بۆ ڤێ یاریێ و بەر ب ناسناڤێ چامپیۆنزێ بچین.