نامۆ فازل چاڤ ل ناسناڤێ سۆپەرا جیهانێ یە
بۆكسڤانێ ڕەڤەندا كورد ل ئۆرۆپا نامۆ فازل و ڕەڤەندا كوردستانی ل ئۆرۆپایێ چاڤ ل ناسناڤێ سۆپەرا جیهانی یە ئەوا بڕیارە بەرانبەر قارەمانێ جیهانێ دیلۆن دانێس یێ ئەمریكی هەلگرێ ناسناڤێ قارەمانییا نێڤدەولەتی یا بەلجیكا Misfits MMA ل سەر ئاستێ پیشەكارن ئەوا بڕیارە سوبەهی چوارشەمبی ل باژێرێ لوس ئەنجلۆس یا ئەمریكا بهێتە كرن.
نامۆ فازل قارەمانێ جیهانێ بۆ كێشا ناڤین بەرهەڤیا خوە دیاركریە و گۆتیە، دێ ب ئالایێ كوردستانێ پشكداریێ د سۆپەرا جیهانی دا كەم و چاڤێ من ل ناسناڤی یە، ل دووماهی پشكدارییا من ل ئەمریكا شیابوو ب دربێ ئێخستنێ قارەمانێ جیهانێ جێك بابیان خوسارەت بكەم و میدالییا زێری ب دەستڤە بینیت بۆ ڤێ قارەمانییێ ژی ب هەمان مۆرال دێ هێمە د ناڤ دەپێ شەڕی دا، دڤێت بوو هەموویان دیاركەم كو كوردستان ژی هێزەكا مەزنە یا وەرزشی و یاریزانێن خودان شیان هەنە.
بۆ زانین ل دەمێ بۆری نامۆ فازل د قووناغا بەرهەڤییان دا بۆ ڤێ قارەمانیێ، ئەوێ پێشتر ژلایێ مەسرۆر بارزانی سەرۆكێ حوكمەتێ ڤە هاتبوو پێشوازیكرن ژبەر دەستكەڤتێن وی و بەردەوام پشتەڤانییا وی دهێتە كرن وەكو ئێك ژ كوردستانیێن دناڤا چالاكیێن نێڤدەولەتی دا.