نه‌وزاد عه‌لی: سه‌ركه‌فتنا ئه‌ڤرۆ و یا بهێت دێ مه نێزیكی ناسناڤی كه‌ت
عەلی حاجی:
د داخویانییەکێ دا هاریکارێ ڕاهێنەرێ تیما زاخۆ ئەوا پشکدار د خولا نایابا کوردستانێ یا تەپاپێی دا بۆ رۆژنامه‌یا ئەڤرۆ دیار کر دو یاریێن وان یێن مایی د خولێ دا گرنگن و ئەنجامێن وان ب هەڤرکیا نانسناڤی ڤە گرێداینە.
زێدەتر نەوزاد عەلی گۆت : یارییا ئه‌ڤرۆ دگه‌ل تیما برایه‌تی ژ چارچووڤه‌یێ هه‌ڤڕكیێن گه‌را 26ێ یا خولا نایابا کوردستانێ بۆ مه دێ یاریێن دووماهیێ بیت و یا گرنگە و ئەم دێ داخازێ ژ کارگێریێ کەین وان یاریزانێن تیما مە یا پشکدار د خولا سـتێرێن ئیراقێ بدەنە تیما مە ئەوێن د جاما کوردستانێ دا یاریێ بۆ تیما مە دکەن ژبەرکو سەرکەڤتنا بەرامبەر برایەتی و هەر دیسان سەرکەڤتنا یارییا بهێت بەرامبەر ئارارات دێ تیما مە بەتە د ناڤ هەڤرکیێ دا و دێ گەلەک ل سەرێ لیستێ نێزیک بین و ئەڤە دەلیڤەیەکا باشە بۆ تیما هاتیە پێش و نابیت ئەم ڤێ دەلیڤەیا گرنگ ژ دەست بدەین ژبەر کو مە دڤێت شەری بۆ ناسناڤێ خولا نایابا کوردستانێ و جاما کوردستانێ بکەین و مە ئەو شیان هەنە بشێن وی کاری ئەنجام بدەین.
ناڤبری گۆت ژی: سەرکەڤتنا د دێربیا کوردستانێ دا بەرامبەر دهوکێ ژ روویێ دەروونی ڤە تیم گەلەک باش بویە و هێڤیێن باش ل دەف یاریزانان دروست بووینە کو دێ شێن هەڤرکیێ ل سەر ناسناڤان کەن و ئەم ژ چ تیمان ژی ناترسین.
