هشیار شه‌هباز: مه پلان هه‌یه بۆ خولا ئیراقێ فوتسالا كچان پشكدار بكه‌ین
عەلی حاجی:
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژنامه‌یا ئەڤرۆ دیار کر وان حەزا هندێ هەیە تیما فوتسالا زاخۆ پشکدار بکەن د خولا نایابا ئیراقێ دا و دەمەک نێزیک دا دێ دگەل کادرێ راهێنانێ کومبین.
زێدەتر هشیار شەهباز گۆت: پشتی ب دووماهی هاتنا خولا نایابا کوردستانێ و تیما مە شیایی رێزا دویێ ب دەستڤە بینیت، د نوکە دا پلانا مە ئەوە ئەم تیما خوە پشکدار بکەین د خولا فوتسالا کچان ل سەر ئاستێ ئیراقێ، ئەم دەستپێکێ دێ کوومبوونەکێ دگەل ڕاهێنەرا خوە زیزویێ و سەرپەرشتا تیمێ ئەنجامدەین و هەکە ئەو بزانن د شیانێن تیما مە دایە دێ شێن ئەنجامێن باش ب دەستخوەڤە دێ ئینن دێ بریارا پشکداریێ دەین لێ هەکە ئەم بزانین ئەنجام د باش نابن ئەم تیما خوە پشکدار ناکەین و هەکە تیما مە پێدڤی ب دو یاریزانێن باش ژی هەبیت ئەم دێ هەڤبەستێ دگەل دا گرێدەین ب وی مەرجی ڕاهێنەرا مە ب خوە دانوستاندنێ دگەل وان یاریزانان بکەت ژبەرکو پەیوەندیێن باش دگەل یاریزانان ل سەرانسەری ئیراقێ هەنە.
ناڤبری گۆت ژی: هەر خولەکا ژبەریا پشکداریێ بکەین ئەم بووچوونا ئیدارەیا سەربەخو د وەرگرین ژبەرکو ئەو مەزنترین پشتەڤانیێ پێشکێشی مە دکەن و بێ پشتەڤانیا وان نەشێن چو پێنگاڤا باڤێژین.
ل دووماهیێ گۆت ژی: هەتا نوکە وەکو یانه‌یا زاخۆ د ئەڤ سالە دا مە پشکداری د ١٢ خول و قارەمانیێن جودا کریە و ئەم گرنگیێ ب هەمی جورێن یاریان ددەین و ئەڤچەندە ژی ب پێنگاڤ و پلان هاتیە ئەنجامدان.
