هونەر ب هەست و سۆزانڤە یێ گرێدایە
موسا خالد:
شێوەكار(هودا قمر) كو خەلكا قەزا ئاكرێ یە و ژیێ وێ بیست و چار سالن، د دیدارەكێ دا بۆ رۆژناما ئەڤرۆ گۆت: ئەز دەرچۆیا پەیمانگەها هونەرێن جوانم ل ئاكرێ، هەم شێوەكارم و هەم بسپۆریا من پەیكەرسازی یە، لێ پتریا كارێن من چێكرنا كەڤالێن شێوەكاری یە، كو ئەز ب پێنڤیسێ رساسی چێدكەم و ئەڤە حەزا من یا زارۆكینیێ بوو، من پشكداری د فەستیڤالەكێ دا كریە و ئەز دبینم هونەر ب هەست و سۆزاڤە یێ گرێدایە، لەورا ئەز دشێم بێژم هونەر ژیانە و ب سروشتی ڤە یێ گرێدایە، لەورا ئەز دشێم بێژم هەر كارەكێ ئەم د ژیانا خوە دا بكەین هونەرە.
هەروەسا گۆت: ئەز هەموو جۆرێن وێنەیان چێدكەم، سروشتی یان كەسایەتی یانژی وێنەیێن ل سەر دیواران، هەروەسا من پەیكەرێن هندەك كەسێن ناڤدار ژی چێكرینە، هەروەسا هندەك بەرهەمێن خۆ فرۆتینە ژی و پەیاما من بۆ هەموو گەنجان ئەوە ب تایبەت ئەوێن حەزا هونەری هەین ل سەر حەزا خوە دبەردەوام بن و هیڤیا من ئەوە جهێن شۆلەژێ پشتەڤانیا وان بكەن.