هێرشبه‌ره‌كێ كورد بوو یاریزانێ هه‌لبژارتیێ ئه‌لمانیا
كوڕێ باژێرێ شنگالێ و ڕه‌ڤه‌ندا كورد ل ئۆرۆپا ده‌نیز ئۆنداڤ ب فه‌رمی پشكداری دگه‌ل هه‌لبژارتیێ ئه‌لمانیا بوو د یارییا بۆری یا هه‌ڤالینی دا به‌رانبه‌ر هه‌لبژارتیێ فره‌نسا ئه‌وا ل 23ێ ئادارێ هاتیه كرن ب سه‌ركه‌فتنا ئه‌لمانیا ب دو گۆلێن پاقژ ب دووماهی هاتی.
ده‌نیز ئۆنداڤ خه‌لكێ باژێرێ شنگالێ یه و یاریزانێ یانه‌یا شۆتگارت یا ئه‌لمانیه ل هێلا هێرشبرنێ یاریێ دكه‌ت د ژیێ 27 سالی دایه، د بنه‌رت دا خه‌لكێ شنگالێ یه و ژ ئۆلییا ئێزیدیانه لێ بۆ ماوه‌یێ چه‌ندین سالان ل باژێرێ رۆهایێ باكۆرێ كوردستانێ بوو به‌ری بچینه وه‌لاتێ ئه‌لمانیا وه‌كو په‌نابه‌ر و ره‌كه‌زنامه‌یا ئه‌وی وه‌لاتی وه‌ربگریت، ئۆنداڤێ 27 سالی د نوكه دا وه‌كو یاریزانێ هه‌لبژارتیێ ئه‌لمانیایه ئێكه‌م یارییا خوه یا فه‌رمی ب تنێ بۆ 10 خوله‌كان یاری كربوو و شیابوو ببیته جهێ باوه‌رییا یۆلیان ناچێلسمان راهێنه‌رێ ئه‌لمانیا.
بۆ زانین دێنێز ئۆنداڤ به‌ری ببیته یاریزانێ شتۆتگارد ل خولا به‌لجیكا یاری دكر دگه‌ل یانه‌یا رۆیال ئۆنیون سانت گیلۆیس و شیابوو وه‌كو گۆلكه‌رێ وێ ب 18 گۆلان رێزا سێیێ ل سه‌ر ئاستێ خولا به‌لجیكا بهێت.
