هێشتا پەیاما من نەگەهشتیە گوهداران
هەرهین محەمەد:
سترانبێژ (رۆكان محەمەد) د دیدارەكێ دا بۆ رۆژنامەیا ئەڤرۆ دیاركركو بەری هەیامەكێ وی كلیپەك ب ناڤێ (توش) بەلاڤكریە و پەیڤ و ئاواز یێن وی نە و مۆزیك ئارام وێنەگر و مۆنتاژ ئاراز و ل وەلاتێ ئیرانێ هاتیە وێنەكرن.
رۆكانی گۆت: هونەر ئەو دەروازەیە كو دشێم پەیاما خۆە تێدا بگەهینم و ئەو چەندا دناخێ من دا و نەهاتیە سەرزار ب ستران گۆتنێ دبێژم، چونكو هونەرێ سترانگۆتنێ دنیایەكا بەرفرەهە و چو كەس نەشێن تشتەكی پێشكێش بكەن هەكە دەربڕینەك نەبیت ژوی تشتێ دناخێ وی دا و هەتا نوكە ژی ژئەگەرێ نەبوونا پشتەڤانیێ بۆ من هەموو كارێن خوە یێن هونەری من ل سەر كیستێ خوە چێكرینە و هەتا نوكە ژی ژ بۆ ب دەستڤە ئینانا پارەی من كار نەكریە و بتنێ ژ بۆ حەزا خوە سترانان دبێژم و ئەڤە بۆ دەمەكێ درێژ نینە هاتیمە دمەیدانا سترانگۆتنێ دا، بەلێ یێ پشت راستم ب هەبوونا ستایلەكێ تایبەت یێ سترانگۆتنێ دداهاتی دا ب شێوازەكێ جوان دێ پەیاما خوە گەهینمەە بینەرو گوهداران، چنكو هێشتا پەیاما من نەگەهشتیە گوهداران.
