پازده سالن ئاشڤانه
سێمێل، دلڤین ره‌شید:
میرزا حسێن، كو پتری پازده سالانه كارێ ئاشڤانیێ دكه‌ت، د دیداره‌كێ دا بۆ رۆژناما ئه‌ڤرۆ دیاركر كو خه‌لكێ كومه‌لگه‌ها شاریه، و ژ پرانیا ده‌ڤه‌رێن ده‌وربه‌رێ كومه‌لگه‌ها شاریا خه‌لك قه‌ستا ڤی ئاشی دكه‌ن، چنكو دبه‌رێ دا بتنێ ئه‌ڤ ئاشه ل ده‌ڤه‌رێ هه‌بوو، كو خه‌لكی قه‌ستا وی دكر ژبۆ هێرانا ده‌خل و دانێ خوه.
ناڤهاتی گۆت: راسته د قوناغا نوكه دا كارێ مه وه‌ك ئاشفان گه‌له‌ك كێم بوویه، ئه‌گه‌ر ژی ئه‌ون نوكه پتر كه‌رستێن خوارنێ یێن حازر دناڤ بازاری دا هه‌نه، و ب ساناهیتر ده‌ست ب خه‌لكی دكه‌ڤیت، به‌لێ كاری مه نه‌مایه راوه‌ستیایی به‌لكو هێژ رۆلێ ڤان جۆره ئاشه مایه هه‌تا نوكه ژی ئه‌م كار پێ دكه‌ین، به‌لێ ب شێوه‌كی كێمتر ژ به‌رێ، بۆ زانین ئه‌ڤ كاره مه یێ ژ باب و كالێن خوه وه‌رگرتی، هه‌تا نوكه ژی به‌ره‌بابێن نوو سه‌ره‌دانا جهێ مه دكه‌ن ژبۆ دیتنا ڤی ئاشی، ئه‌ڤ ئاشه ژی وه‌كو هێمایه‌كی به‌رده‌وامیا ژیانێ گرنگی پێ بهێته دان و بهێته پاراستن.
