پتریا ڤیدیۆیێن تیك تۆكی یێن بووینه كارێ ئهی ئای
ڤەکۆلینەکا نوو یا پلاتفۆرمێ (Kapwing) ئاشکرا دکەت کو سیستەمێ پێشنیازکرنا ڤیدیۆیان ل تیکتۆکێ ب شێوەیەکێ مەزن پشت ب ژیرییا دەستکرد (AI) دبەستیت، ب تایبەت بۆ وان بکارئینەرێن نوو یێن کو هێشتا حهزا وان نەهاتینە دیارکرن. ل دووڤ ڤێ ڤەکۆلینێ، نێزیکی 59% ژ 500 ڤیدیۆیێن ئێكێ د پشکا (For You) دا بۆ هژمارێن نوو دهێنە نیشاندان، بەرهەمێ ژیرییا چێكری نه، ئەڤە ژی وێ چەندێ دگەهینیت کو ژ هەر سێ ڤیدیۆیان، ئێکا وان یا چێكری یه و ب کوالێتییەکا کێم هاتییە بەرهەمئینان.
ئەنجامێن ڤەکۆلینێ نیشان ددەن کو پشکا زارۆیان ب رێژەیا 57.4% پترین زیان ڤێکەفتییە و ب ناڤەرۆکا AI هاتییە تژیکرن، د دەمەکێ دا پشکێن زانست، ساخلەمی و دیرۆکێ ژی ب رێژەیێن بلند یێن ڤان ڤیدیۆیان دنالن. ل بەرامبەر ڤێ چەندێ، وارێن وەک وەرزش، موزیک و مۆدێل هێشتا پتریا وان ژ لایێ مرۆڤان بخۆ ڤە دهێنە بەرهەمئینان و رێژەیا AI تێدا گەلەک کێمە.
ژ لایێ ساخلەمیێ ڤە، بسپۆرێن زارۆیان هۆشداریێ ددەن کو ئەڤ ناڤەرۆکە مەترسیێ ل سەر گەشەیا مێشکێ زارۆیان پەیدا دکەن، چونکو هەر ئەزموونەکا نوو کاریگەریێ ل سەر تۆڕێن دەمارێن مێشکی دکەت. هەرچەندە تیکتۆکی ب گۆژمێ دو ملیۆن دۆلاران پرۆژەیەک بۆ هشیارکرنا بکارئینەران ل سەر سلامەتییا ژیرییا چێكری راگەهاندییه، لێ ئامارێن نوو سەلماندیینە کو ناڤەرۆکا چێكری یێ بەرەڤ داگیرکرنا تۆڕێن جڤاکی دچیت و بوویە دیاردەیەکا بەرچاڤ.
