ژەنینا مۆزیكێ بۆ هەموو مۆزیکژەنان نانی پەیدا ناكەت
بێوار حەمدی
مۆزیكژەن (دلشاد عەبدولكەریم) كو خەلكێ باژێرێ زاخۆیە، لێ ئەڤە چەند سالن ل وەلاتێ ئەلمانیا دژیت، د دیدارەكێ دا بۆ رۆژنامەیا ئەڤرۆ گۆت: ئەڤە (22) سالن ئەز ئامیرێ ئۆرگێ دژەنم و گەلەك حەزژ ژەنینا وێ دكەم و مەرج نینە ژەنیارێن ئۆرگێ هەموو دشارەزابن و بشێن كارتێكرنێ بكەن، لێ ئەو كەسێن هەستا مۆزیكێ ل دەف هەبیت د جیاواز و هەستیارن.
هەروەسا گۆت: ژەنینا مۆزیكێ بۆ هەموو ژەنیاران نانێ ژیانێ پەیدا ناكەت، بەلكو بۆ كەسێن خودان شیان و بەرنیاس ب كارێن خۆ پەیدا دكەت، لەورا دڤێت مۆزیكژەن هەموو بزاڤان بكەت كارێ خۆ ب باشی و شارەزایی ئەنجام بدەت، دا كو بشێت داهاتەكی ب دەستڤەبینیت.