پێشمهرگهكێ كێم ئهندام چاوا خزمهتا ئالایێ كوردستانێ دكهت؟
دهۆك، شاكر ئهتروشی:
نوری سالح، كو ب (نوری گولهیی) دهێته نیاسین، بۆ دهمێ چهند سالانه وهك خوه بهخش ل گهل دهزگههێ پاراستنا ئالایێ كوردستانێ كاردكهت و نوكه بهپرسێ نڤیسینگهها ئامێدیێ یا وی دهزگههی یه و دبێژیت: خۆشترین رۆژ بۆ من ئهو بوو دهمێ شاندهكێ نۆشدارێن ئهمریكی سهرهدانا دهڤهرا ئامێدیێ كرین و سهرۆكێ شاندنی داخواز ژمن كری كو ئالایهكێ كوردستانێ پێشكێشی وی كهم و گۆته من ئهز دێ بهم ل مالا خوه ههلاویسم.
نوری، كو ژ دایكبوویێ سالا (1973) یه و ل سالا (1999) وهك پێشمهرگه د سهنگهرێ شهڕی دا ل چبایێ گاره بریندار بوویه و پێیهكێ خوه ژدهستدایه، هێشتا گۆت: ئهز شانازیێ ب خوه دبهم وهك كهسهكێ كێم ئهندام كو بشێم خزمهتا ئالایێ پیرۆزێ كوردستانێ بكهم و نوكه ل سنۆرێ ئامێدیێ پتری چل كهسێن دی یێن دلسۆز ل گهل من ب شێوێ خوه بهخش كاردكهن و ئهم سهرهدانا دامودهزگههێن حزبی و ئیداری و لهشكری ل دهڤهرێ دكهین و ههكه مه ههبن ئهم ئالایێ كوردستانێ پێشكێشی وان دكهین دا ل سهر ئاڤاهیێ خوه ب ههلاویسن و ههكه مه نهبن ژی و ئهم بینین كو ئالایهك یێ كهڤن بووی ئهم دبێژینه بگوهۆڕه و ب سوپاسی ڤه ههموو ل گهل مه دهاریكارن، ب تایبهت لقێ ههژده یێ پارتی كو پالپشت و پشتهڤانێ كارێ مهیه.