ژڤانێ قۆناغا دویێ یا خولا ستێران هاتە دیار كرن
فیدراسیۆنا تەپا پێی یا ئیراقێ ب فەرمی ژڤانێ دەستپێكرنا قۆناغا دویێ یا خولا پلا ستێران دەستنیشانكرن كو دێ ل دووماهییا ڤێ هەیڤێ هێتە كرن.
غالب ئەلزاملی ئەندامێ فیدراسیۆنێ بۆ دەزگەهێن راگەهاندنێ گۆت: ب فەرمی 30 و 31ێ ڤێ مەهێ دێ دەست ب هەڤڕكیێن قۆناغا دویێ یا خولا ستێرێن ئیراقێ یا تەپا پێی هێتە كرن، پشتی راوەستیانەكا درێژ ژبەر پشكدارییا هەلبژارتیێ ئیراقێ د ڤاڤارتنێن ئاسیایی دەربازبوون بۆ مۆندیالا جیهانی و دیسان ژبەر هەبوونا راوەستیانا نێڤدەولەتی یا رۆژانێن فیفایێ.
ژلایەكێ دووڤە دیار كرهەلبژارتیێ ئیراقێ دێ سوبەهی یارییا خوە یا دویێ ژ چارچووڤەیێ ڤاڤارتنێن مۆندیالێ بەرانبەر فلپین كەت پشتی د یارییا ئێكێ دا ل حەفتییا بۆری ب گۆلەكێ سەركەفتن ئینابوو، هەروەسان ل شەشێ خزیرانا بهێت بەرانبەر ئەندۆنیسیا یاریێ كەت و هەروەسان ل11ێ هەمان مەهـ مێڤاندارییا فێتنام كەت.
بڕیارە ل31ێ ڤێ مەهێ یانەیا دهۆك دێ ل یاریگەها خوە مێڤاندارییا یانەیا جەوییە كەت، زاخۆ دێ بیتە مێڤانا ئەلقاسم، ل ئێكێ نیسانێ هەولێر و نەورۆز دێ بینە مێڤانێن نەفت ئەلوەسەت و كەربەلا.
