ژ بابێ خوه فێری وێنهگریێ بووینه
دهۆك، شاهۆ فهرید:
ههڤال و هوگر، دو برایێن جێمكێن، ل سالا 2001 ژ دایكبووینه، نوكه كارمهندێن كهنالێ نۆبار تیڤی نه، د دیدارهكێ بۆ رۆژناما ئهڤرۆ دبێژن: ژبهركو بابێ مه (شهریف ئهحمهد) وێنهگر بوو، رۆژ بۆ رۆژی حهزا مه بۆ وێنهگری و مۆنتێریێ پتر لێ دهات، نوكه ئهم كارێ خوه ب باشی ئهنجام ددهین، برایێ مه یێ مهزن ژی خودانێ كهنالێ نۆباره، جوداهیا كاركرنێ ل كهنالی و ئاژانسێ ههیه، كارێ بهرنامه و راپۆرتان خۆشیهكا دی ههیه،
ههروهسا گۆتن: ئاریشا ههر دهم دكهڤینێ ئهوه وهكو ئیك كهس سهرهدهریێ ل گهل مه دكهن، كاركرن ل ناڤ سازیێن تایبهت ب باشتر دبینین چونكو پتر ب گهنجان ڤه گرێدایه، مه گهلهك گهنجێن خودان شیان و هزرین جوان ههنه، دخوازین دهزگههێن مه خوه لێ بكهنه خودان.