گۆتنان سترانان ل سه‌رێ چیا یا خۆشه
دهۆك، هه‌رهین محه‌مه‌د دۆسكی:
مه‌هدی گولی، سترانبێژێ كوچكۆ دیوانان، د دیداره‌كێ دا بۆ رۆژناما ئه‌ڤرۆ گۆت: سترانێن فۆلكلۆری ل وی ده‌می دخۆشن ده‌مێ مرۆڤ بتنێ ل سه‌رێ چیایه‌كی بیت و سترانان بێژیت، چونكو ل ناف سرۆشتی و ل دول و نهالان ده‌نگێ مرۆڤی ڤه‌ده‌ت ، هه‌روه‌سا ل دیوانان ژی یا خۆشه ده‌مێ مرۆڤێن مه‌زن د روینشتی بن.
مه‌هدی گۆت: مه ل گه‌ل پتریا سترانبێژێن فۆلكلۆری ستران گۆتینه و سترانبێژێ ره‌هوان و شاره‌زا د سترانێ دا ئه‌وه‌یێ كو ب شێت ب هه‌موو شێوازان سترانان بێژیت و ب مخابنی ڤه هنده‌ك سترانبێژ ل ڤێ دووماهیێ ده‌ركه‌فتینه ب تایبه‌ت ئه‌وێن دچنه ده‌واتان په‌یڤ و ریتمێ دگوهۆرن و تام و خۆشیا سترانێ ژده‌ست دده‌ن، ئه‌ز دبینم ئه‌ڤ چه‌نده ژ نه شاره‌زه‌یا وانه و نه تشته‌كێ ب شه‌رمه هه‌كه پرسیارا كه‌سانێن شاره‌زا بكه‌ن كا په‌یڤ و ریتما وێ یا چاوایه ل وی ده‌می دێ سترانا وی یا خۆش بیت.
