41 پرتووكخانێن بچووك ڤه‌كرینه
دهۆك، شاكر ئه‌تروشی:
شیان مه‌هدی كانیساركی، گه‌نجه‌كێ خه‌لكێ دهۆكێ یه، به‌ری چه‌ند سالان پرۆژه‌كێ ره‌وشه‌نبیری ب ناڤێ (ببه خوانده‌ڤان) دانایه و ب گۆڕه‌ی وی پرۆژه‌ی پرتووكان كۆم دكه‌ت و هه‌تا نوكه (41) پرتووكخانێن بچووك ل دهۆك و زاخۆ و سێمێلێ و ده‌ركارێ و هیزاوا و باگێرا و قه‌سروكێ و قه‌دشێ و قه‌سارا و بریفكا و هنده‌ك جهێن دی ڤه‌كرینه.
شیانی بۆ ئه‌ڤرۆ گۆت: ئه‌و جهێن من پرتووكخانه لێ ڤه‌كرین كلینیكێن نوشداران و سه‌رتراشخانه و قوتابخانانه، من ئه‌ڤ جهه هه‌لبژارتینه چنكو رۆژانه گه‌له‌ك خه‌لك ب تایبه‌ت ژی گه‌نج سه‌ره‌دانا وان جها دكه‌ن، چنكو ل ده‌ف نوشدار و سه‌رتراشا دمینه سرایێ ل وی ده‌مێ دێ خوه ب خواندنا پرتووكێ ڤه مژوول كه‌ت هه‌تا سرا وی دهێت، ئه‌ز ژدل سوپاسیا وان هه‌موو نڤیسكار و پرتووكخانان دكه‌م ئه‌وێن پرتووكێن خوه پێشكێشی پرۆژێ مه كرین، و هه‌كه پشته‌ڤانیا مه بهێته كرن دێ پرۆژێ خوه به‌رفره‌هتر لێ كه‌ین.
