پارتى دخوازيت هه‌لبژارتنێن كوردستانێ به‌رى يێن عيراقێ بهێنه ئه‌نجامدان
ئه‌ڤرۆنيوز:
ئه‌ندامه‌كێ سه‌ركردايه‌تيا پارتى ديموكراتى كوردستان دياركر كو پارتى دخوازيت هه‌لبژارتنێن په‌رله‌مانێ كوردستانێ به‌رى يێن عيراقێ بهێنه ئه‌نجامدان.
هێمن هه‌ورامى ئه‌ندامێ سه‌ركردايه‌تيا پارتى وبه‌رپرسێ كاروبارێن سياسى وپه‌يوه‌نديێن گشتى ل نڤيسينگه‌ها سه‌رۆك بارزانى دبه‌رپه‌رێ خوه ل سه‌ر تۆرا جڤاكى يا تويته‌رى به‌لاڤكر” پارتى دخوازيت به‌رى هه‌لبژارتنێن په‌رله‌مانێ عيراقێ، هه‌لبژارتنێن په‌رله‌مانێ كوردستانێ بهێنه ئه‌نجامدان”.
هێمن هه‌ورامى گۆت ژى” حزب ولايه‌نێن كوردستانى پێدڤى ب ئێكرێزيێ وپێكئينانا ليسته‌كا هه‌ڤپشكا ئێكگرتى بۆ پشكداريكرنێ دهه‌لبژارتنێن په‌رله‌مانێ عيراقێ دا”.
به‌لاڤكر ژى” دكۆمبوونا رۆژا 7/1/2018 دناڤبه‌را پارتى ديموكراتى كوردستان وئێكه‌تى نيشتمانى كوردستان دا، دووپاتى ل وێ چه‌ندێ هاته كرن كو لايه‌نێن كوردستانى ب ئێك ليست پشكداريێ دهه‌لبژارتنێن په‌رله‌مانێ عيراقێ دا بكه‌ن”.
