ئه‌مريكا دێ برياره‌كێ ل دۆر ئيرانێ ده‌ت
ئه‌ڤرۆنيوز:
وه‌زاره‌تا ده‌رڤه يا ئه‌مريكى راگه‌هاند، ل رۆژا ئه‌ينيا داهاتى دێ ئه‌مريكا بريارێ ده‌ت ل دۆر به‌رده‌وام بوون يا نه به‌رده‌وام بوونا رێككه‌فتنا ئه‌تۆمى ل گه‌ل ئيرانێ.
راوێژكارێ وه‌زاره‌تا ده‌رڤه‌يا ئه‌مريكى، ستيڤ گولدستين، دداخۆيانيه‌كێ دا بۆ رۆژنامه‌ڤانان ل دۆر وێ رێككه‌فتنا ئه‌تۆمى ئه‌وا ل سه‌رده‌مێ ئيدارا سه‌رۆكێ ئه‌مريكى يێ به‌رێ باراك ئۆباماى ل سالا 2015 ل گه‌ل ئيرانێ هاتيه ئيمزاكرن، گۆت” دانوستاندن ل دۆر وى بابه‌تى دبه‌رده‌وامن وچاڤه‌رێ دهێته كرن ل رۆژا ئه‌ينيا داهاتى بريارێ بده‌ين”.
گۆت ژى” دڤێ هه‌فتيێ دا سه‌رۆكێ ئه‌مريكا دونال ترامپ دێ ل گه‌ل وه‌زيرێ ده‌رڤه رێكس تێلرسۆن ووه‌زيرێ به‌رگريێ جێمس ماتيس كۆمبيت”.
ل رۆژا 5/1/2018، وه‌زيرێ ده‌رڤه‌يێ ئه‌مريكا، رێكس تێلرسۆن دداخۆيانيه‌كێ دا بۆ ئاژانسا AP يا ده‌نگوباسان، راگه‌هاندبوو” يان دێ رێككه‌فتنێ دروست كه‌ين، يان ژى دێ هه‌لوه‌شينين”.
