هژماره‌كا پێشمه‌رگێن ديلێن داعشێ دێ ل به‌غدا هێنه دادگه‌هكرن
ئه‌ڤرۆنيوز:
هژماره‌كا پێشمه‌رگێن داعشێ وه‌كه ديل ده‌سته‌سه‌ركرين، يێن كه‌فتينه ده‌ستێ ميليشيێن حه‌شدا شه‌عبى وله‌شكرێ عيراقێ، پشتى ڤه‌گۆهاستنا وان پێشمه‌رگه‌يان بۆ به‌غدا ب تۆمه‌تا ئه‌ندامبوونا داعشێ، په‌رله‌مانتاره‌كا كورد ژى ب رێيا وه‌زيرێ داد يێ عيراقى بزاڤا دووباره دادگه‌هكرنێ يان ته‌مييزكرنا بريارێن دادگه‌هێ دكه‌ت.
ئه‌شواق جاف ئه‌نداما جڤاتا نوونه‌رێن عيراقێ ژفراكسيۆنا پارتى وئه‌نداما لژنا مافێن مرۆڤ ل جڤاتێ، راگه‌هاند” پێزانين يێن گه‌هشتينه مه كو ئه‌و پێشمه‌رگێن ديل يێن كه‌فتينه ده‌ستێ داعشێ، نوكه هژماره‌ك ژوان يێن ل به‌غدا وژلايێ حوكمه‌تێ دێ هێنه دادگه‌هكرن كو ئه‌ندامێن داعشێ نه”.
ئه‌شواقێ بۆ باسنيوز گۆت” بۆ دووڤچوونا وێ پرسێ، من په‌يوه‌ندى ب وه‌زيرێ داد يێ عيراقێ كريه وگتيێ كو هژماره‌كا پێشمه‌رگێن ديلێن داعشێ يێن كه‌فتينه ده‌ستێ هێزێن عيراقى، به‌لێ دێ هينه دادگه‌هكرن ب تۆمه‌تا وێ چه‌ندێ كو ئه‌ندامێن داعشێ نه، ئێك ژوان پێشمه‌رگه‌يان حوكمێ زيندانيكرنا هه‌تا هه‌تايێ بۆ هاتيه ده‌ركرن”.
دياكر” وه‌زيرێ داد يێ عيراقى داخوازا ليستا ناڤێن پێشمه‌رگه‌يان كر تاكو پێكڤه دووڤچوونا جدى بۆ وێ پرسێ بكه‌ن”.
ئه‌شواق جاف به‌رچاڤكر ژى كو داخواز ژ وه‌زاره‌تا پێشمه‌رگه‌ى كريه ناڤێن پێشمه‌رگێن ديل بگه‌هێنيته وێ بۆ وێ چه‌ندێ بله‌ز ل دووڤ وێ كێشێ بچن وگۆت” ليستا ناڤێن پێشمه‌رگێن ديلكرى يا گه‌هشتيه من ودێ دپه‌يوه‌نديێن به‌رده‌وام دا بين بۆ وێ چه‌ندێل گه‌ل وه‌زيرێ داد دووڤچوونێ ل دۆر وێ پرسێ بكه‌ين، ب ته‌مييزكرن بيت، يان دووباره دادگه‌هكرنا وان”.
