رووسيا قه‌رێن مه‌زن ل سه‌ر عيراقێ هه‌لوه‌شاندن
ئه‌ڤرۆنيوز:
رووسيا بريار دا قه‌رێن سيادى ل سه‌ر هنده‌ك وه‌لاتان ب هه‌لوه‌شينيت كو كوژمێ وان دگه‌هيته 140 مليار دۆلاران، ژوان ژى عيرلق وسووريا وجه‌زائر.
سيرجى ستورشاك، جێگرێ وه‌زيرێ دارايى يێ رووسى، ل دووڤ رۆژناما (الصباح) يا عيراقى گۆت” حوكمه‌تێن جيهانى قه‌ران دده‌نه هنده‌ك وه‌لاتان ب مه‌ره‌ما بده‌ستڤه‌ئينانا هنده‌ك ئيمتيازاتان ل به‌رامبه‌ر وێ چه‌ندێ وه‌كو مه‌رجێن پتر ئينانا به‌رهه‌مێن وان وپتر ده‌ليڤه دان ب وه‌به‌رهێنه‌رێن وان ژلايێ وه‌لاتێن قه‌ر بۆ دهينه دان”.
سيرجى دياركر كو رووسيا 21 مليار دۆلار يێن قه‌ر ل سه‌ر عيراقێ هه‌لوه‌شاندن و9 مليار دۆلار ل سه‌ر سووريێ ل به‌رامبه‌ر چه‌ندين رێككه‌فتنان دبياڤێن ئاڤه‌دانكرنێ وپه‌ترۆل وغازێ، ديسا 4 مليار دۆلارێن قه‌ر ل سه‌ر جه‌زائرێ ژى هه‌لوه‌شاندن”.
