ل ئاکرێ ئاسنگەرەکێ ئاشەکێ هوورکرنا سماقێ دروستکر
ئەڤرۆنیوز، سەباح زۆهێر:
پشتی کو ئاسگەرەکێ ل گوندێ گیرەی ناحیا دینارتێ سەر ب قەزا ئاکرێ ڤە پێکول کرینە داکو ئاشەکێ بۆ هورکرنا سماقێ دروست بکەت، ژبەرکو دەڤەرا ئاکرێ سماقەکا زور دهێتە بەرهەم ئینان، د ئەنجامدا ئەڤ ئاسنگەرە شیا ب سەرکەفتیانە ئاشێ خۆ دروست بکەت بێ چ کێشە تێدا روست بن و دشێت ب شێوەکێ دروست سماقێ هوربکەت.
مشیر زێباری خۆدانێ ئاسنگەریا مشیر ل گوندێ گیرەی ل دور چێکرنا ڤی ئامیرەی بۆ ئەڤرۆ دا دیارکرن کو ئێکەمین جار من سەرەدانا هەڤلێرێ کر و من ئاشەک ل وێرێ دیت و گەلەک یێ کەڤن بوو خودانێ وی دگۆت ب 700دولاران دفروشم، وی دەمی من هزر دچێکرنا ئامیرەکێ نوی کر بۆ هورکرنا سماقێ و من پێکۆل کرن کو بشێم ئاشەکێ بۆ دەڤەرا ئاکرێ و دەوروبەرا دروست بکەم. گۆت من کەل و پەلێن پێدڤی کو ب کێر چێکرنا ئاشی بهێن من دەستخۆڤە ئنیانە دوکانێ و من کار ل سەر کر بۆ ماوێ سێ رۆژان من شیا دروست بکەم.
ئاماژە دا هندێ کو من ئاش دا کاری بۆ وێ چەندێ پشت راست بم و دێ کارێ خوە کەت، مە هندەک سماق کرە تێدا و د ئەنجامدا کارێ خوە کر و ب سەر کەفتیانە ب دوماهیک هات و دهەر دەمژمێرەکێ دا دشێت 160 کیلۆیێن سماقێ هوربکەت.
گۆت ئەڤ ئاشە دێ خزمەتەکا مەزن بۆ خەلکێ دەڤەرێ کەت، چونکی دەڤەرا ئاکرێ ناڤ و دەنگیا خوە ب بەرهەمئینانا سماقێ هەیە و ئاشەک ب شێوازەکێ نوی یە دێ خەلک شێت مفای لێ وەربگریت و سماقا خوە هورکەت، لەوما ئەڤ ئاشە دێ بیتە دەرگەهەکێ باش بۆ وان کەسێن دڤێت سماقێ هوربکەن، تایبەت ژی خودانێت خارنگەها و ئامیرەکێ پاکژە بتنێ بۆ کارئینانا سماقێ دێ هێتە بکارئینان، هەروەسا دێ ئەڤ ئاشە بۆ هەمی مال و کەسەکێ کەڤیتە کاری یێ بڤێت دێ بۆ وان سماقا وان هورکەین و دێ رێکا وان ژی نزیکتر لێ هێت، چونکی ئەڤ ئاشە ل پارێزگەها دهوکێ نینە، لەوما بۆ هەمی دەڤەرێ دێ مفایەک باش هەبیت.
گۆت ئەڤە هزرا من بوویە و کەسێ فێرنەکریمە کەسێ هەتا نها ب دەستێ خوە نەچێکرینە ئێکەمین کەسم من چێکری و دێ بەردەوام بم بۆ هندەک داهێنانێت دی، ئەڤ داهێنانە دگرنگن بۆ ملەتێ مە دڤێت بەرچاڤ بهێنە وەرگرتن و ئێدی ئەم خوە هەوجەی دەرڤە نەکەین بۆ دەرڤە و هەرکەسێ بڤێت ژی دێ بۆ چێکەم.
