نێزیکێ سێ ھزار زارۆيان د ناڤ رێزێن داعش دانە
ئەڤرۆ نیوز ، نەوزاد زادە ھلۆری:
ئاژانسا ” عەین ” ژ زاردەڤێ ھاشم ھاشمی شارەزایێ سەربازیێ عیراقی دیارکر کو نێزیکێ سێ ھزار زارۆيان نھا د ناڤ رێزێن داعش دانە و دھێنە مه‌شقكرن ژ بۆ کارێن مەترسیێن مینا خوە پەقاندن، توندوتیژی و رەڤاندن و سەربرین.
ھاشم ھاشمی بو ئاژانسا ناڤھاتی گۆت: “ئەو زارۆیێن کو ل بن چاڤدێریا داعش دھێنە پەروەردەکرن نھا ل پارێزگەھا رەقە و دێرەزوور و مووسل و روومادی نە ل عیراق و سووریا کو نھا فێری ھزرێن توند و کارێن تیرۆریێن وەکو کوشتن و خوەپەقاندن و سەربرین و گەلەک کارێن دن یێن مەترسی دکەن و دڤێت ھەولەک ھەبیت ژ بۆ رزگارکرنا ئەوان زارۆيان و نھا حوکمەتا عیراقێ گەلەکا خەمسارە بۆ رزگارکرنا وان”.