هه‌لبژارتنێن گشتى يێن عيراقێ ده‌سپێكرن
ئه‌ڤرۆ نيوز:
ئه‌ڤرۆ سپێدێ هه‌لبژارتنێن گشتى ل عيراقێ و هه‌رێما كوردستانێ ده‌سپێكرن و ليسته و قه‌وارێن سياسى و به‌ربژار دێ هه‌ڤركيێ ل سه‌ر 328 كورسيێن جڤاتا نوونه‌رێن عيراقێ كه‌ن.
ل پارێزگه‌ها دهۆكێ 716 هزار و 300 كه‌سان مافێ ده‌نگدانێ هه‌يه و ل سه‌ر 256 بنگه‌هـ و 1664 ويستگه‌هان هاتينه به‌لاڤكرن و د ده‌نگدانا تايبه‌ت ژى دا 50 هزار كه‌سان مافێ ده‌نگدانێ هه‌بوو. ده‌رباره‌ى ئاواران ژى 200 هزار كه‌سان مافێ ده‌نگدانێ هه‌يه و 61 بنگه‌هێن دانگدانێ بۆ هاتينه دابينكرن.
ب ره‌نگه‌كێ گشتى ژى ل هه‌موو عيراقێ شه‌ش هزار و 986 به‌ربژێر دێ هه‌ڤركيێ ل سه‌ر ده‌نگێن 24 مليۆن عيراقيان كه‌ن بۆ ب ده‌ستڤه‌ئينانا 328 كورسيێن جڤاتا نوونه‌رێن عيراقێ.