شنگال: هێزێن عيراقى ب چه‌كێن گران چوونه ناڤ بنگه‌هێن ده‌نگدانێ و ناهێلن كورد ده‌نگى بده‌ن
ئه‌ڤرۆ نيوز:
ل ده‌مێ ب رێڤه‌چوونا هه‌لبژارتنان، هێزێن عيراقى ل شنگال چوونه ناڤ بنگه‌هێن ده‌نگدانێ و ئاسته‌نگ بۆ ده‌نگدارن دروست كرينه.
ب گۆره‌ى K24 ل شنگال راگه‌هاند كو هێزێن عيراقى ل شنگال چوونه ناڤ بنگه‌هێن ده‌نگدانێ و ئاسته‌نگ بۆ ب رێڤه‌چوونا پرۆسێ دروست كرينه و ئه‌ڤه ژى بوويه ئه‌گه‌رێ دلته‌نگيا ده‌نگده‌ران ل شنگال.
گۆتژى: “ل كۆمه‌لگه‌ها ته‌ل به‌نات يا سه‌ر ب شنگال، حه‌شدا شه‌عبى بنگه‌هه‌كێ تايبه‌ت بۆ خوه ڤه‌كريه و ده‌نگى تێدا دده‌ن و ب چو ره‌نگه‌كى ناهێلن كه‌س نێزيكى وى بنگه‌هى ببيت”.
رێ ل كه‌نالێ ناڤبرى ژى گرتيه كو رۆمالا هه‌لبژارتنان ل وێ ده‌ڤه‌رێ بكه‌ت و ئاماژه ب وێ چه‌ندێ ژى كريه كو ئه‌وان په‌يوه‌ندى ب چه‌ند به‌رپرسێن كۆمسيۆنێ ژى كريه، به‌لێ چو د ئاماده نه‌بووينه چو روونكرنان بده‌ن.
