د روودانەکا ترافیکێ دا دو کەسان گیانێ خوە ژ دەستدا
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ مالپەرێ ئەڤرۆ نیوز دا خویاکرن:کو د روودانەکا تڕافیکێ دا دو کەسان گیانێ خوە ژ دەستدا یه.
ناڤهاتی زێدەتر گوت:ل رۆژا شەمبیێ 12.5.2018 و ل دەمژمێر(٦:۱٥) ئێڤاری ل سەر جادا گشتی یا دناڤبەرا پرا حسنی و ناحیا روڤیا ل بەرامبەر گوندێ گربەویل ترۆمبیلەک ژ جۆرێ کیا تایبەت خوە ل ئاڤاهیەکێ دایە کو مووەلیدێن کارەبێ تێدا بوون و د وێ روودانێدا 2 کەسان گیانێ خوە ژ دەستدا یە و هەروەسا 2 کەسێن دیتر ب گرانی بریندار بووینە هاتینە رەوانەکرن بۆ نەخۆشخانا ئاکرێ.