سه‌در وعامرى سه‌ركه‌فتيێن ئێكێ نه ومالكى وحه‌كيم پاشڤه چوون
ئه‌ڤرۆنيوز:
دهه‌لبژارتنێن جڤاتا نوونه‌رين عيراقێ ليستا (سائيرون) كو ژ ره‌وتێ سه‌درى وحزبا شيوعى يا عيراقى وچه‌ندين حزبێن دى پێكدهێت ل رێزا ئێكێ هات ل سه‌ر ئاستێ عيراقێ وليستا فه‌تح ب سه‌رۆكاتيا هادى عامرى ل رێزا دوێ هات وليستێن مالكي وعه‌لاوى وحه‌كيم پاشڤه‌چوون وكورسيێن چاڤه‌رێكرى بده‌ستڤه نه‌ئينان.
دوان هه‌لبژارتنان دا ليستا (سائيرون) ب سه‌رۆكاتيا موقته‌دا سه‌در ل رێزا ئێكێ هات ب بده‌ستڤه‌ئينانا 54 كورسيان وليستا فه‌تح ب سه‌رۆكاتيا هادى عامرى كو ئه‌و ليسته ژ ميليشيێن حه‌شدا شه‌عبى پێك دهێت ل رێزا دوێ هات ب 47 كورسيان وليستا نه‌سر ب سه‌رۆكاتيا حه‌يده‌ر عه‌بادى ل رێزا سيێ هات بده‌ستڤه‌ئينانا 44 كورسيان.
هه‌ردو ليستێن (ده‌وله‌تا قانوونێ) ب سه‌رۆكاتيا نورى مالكى و(حيكمه) ب سه‌رۆكاتيا عه‌مار حه‌كيم پاشڤه‌چوون كو ليستا مالكى تنێ 25 كورسى بده‌ستڤه‌ئينان ويا حه‌كيمى 19 كورسى.
ل دووڤ ڤان ئه‌نجامان وئه‌نجامێن هه‌لبژارتنان ل هه‌رێما كوردستانێ سه‌ركه‌فتيێن پێنجێ يێن ئێكێ يێن سه‌ره‌كى ب ڤى شێوه‌ى نه:
1- سائيرون 54 كورسى
2-فه‌تح 47 كورسى
3- نه‌سر 44 كورسى
4- پارتى ديموكراتى كوردستان 26 كورسى
5- ده‌وله‌تا قانوونێ 25 كورسى