ژڤانێ به‌لاڤكرنا مووچێ پێشمه‌رگه‌ى هاته دياركرن
ئه‌ڤرۆنيوز:
ب گه‌هشتنا ئه‌و كوژمێ پاره‌ى كو ئه‌مريكا بۆ هێزێن پێشمه‌رگه‌ى ته‌رخان كريه، دێ ده‌ست ب به‌لاڤكرنا مووچێ پێشمه‌رگه‌ى هێته كرن، ئه‌ندامه‌كێ په‌رله‌مانێ كوردستانێ ژى دبێژيت، چار رۆژێن دى ئه‌و پاره دێ گه‌هيت.
ئه‌ڤرۆ دوشه‌مبى 14/5/2018، شيلان شێخ جه‌عفه‌ر، سه‌رۆكا لژنا پێشمه‌رگه ل په‌رله‌مانێ كوردستانێ راگه‌هاند” ئه‌ڤرۆ من دووڤچوون بۆ ده‌مێ به‌لاڤكرنا مووچێ هيزێن پێشمه‌رگه‌ى ل وه‌زاره‌تا دارايى وئابوورى كر”.
سه‌رۆكا لژنا پێشمه‌رگه زێده‌تر بۆ وشه گۆت” وه‌زاره‌تا دارايى چاڤه‌رێ گوژمێ 25 مليار دينارايه كو ژلايێ ئه‌مريكا ڤه دهێته هنارتن بۆ به‌غدا وژبه‌غدا بۆ هێزێن پێشمه‌رگه‌ى دهێته هنارتن وب وى گوژمى ل گه‌ل داهاتێ ناڤخوه‌يى دێ ده‌ست ب به‌لاڤكرنا مووچێ پێشمه‌رگه‌ى هێته كرن”.
دياركر ژى” چار رۆژێن دى دێ پارێ ئه‌مريكا گه‌هيته هه‌رێما كوردستانێ، له‌وما راسته‌وخوه وه‌زاه‌رتا دارايى دێ مووچێن وه‌زاره‌تا پێشمه‌رگه به‌لاڤ كه‌ت”.