یا پێدڤیە پارتی سەرکەفتنا دھۆکێ قەرەبوو بکەت
ئه‌ڤرۆ نيوز:
چاڤدێرەکێ سیاسی ئاماژە بوێ چەندێ دکەت، سەرکەفتنا ڤێجارێ یا پارتی ژبۆی ھەلویستێن پارتی ڤەد گەڕیت، ل ھەمبەر پرسا سەربخوەیا کوردستانێ و لدۆر زێدەبوونا کۆرسیێن پارتی ل دھۆکێ ژی دیارکر، دھۆکی پارتی بوونێ ب ئەرکێ خوە دزانن لەو پێدڤیە پارتی قەنجیا دھۆکیا ژبیر نەکەت و قەرەبوو ژی بکەت.
عەبدولسەلام بەرواری، چاڤدێرێ سیاسی بۆ رۆژناما ئەڤرۆ گۆت: مانەڤا پارتی وەکی ھێزا ئێکێ یا ھەرێما کوردستانێ بۆ دوو ئەگەران ڤەدگەڕیت، یا ئێکێ گۆتارا پارتی دیموکراتی کوردستان گۆتارەکا ئێکگرتی و نەگۆھۆڕە ھەر ل دەستپێکا دامەزراندنا پارتی ھەتا نوکە، پارتی ھەلگرا ئارمانجا سەربخوەیا کوردستانێ یە و پارتی خەبات بۆ چێکرنا دەولەتا کوردی کریە، ھەتا د بەرتەنگترین کاودانان دا پارتی یا رژدبوە لسەر ھەلویستێ خوە و پاشڤە نەھاتیە بۆڤێ چەندێ سازشێ لسەر مافێ سەربخۆیێ بکەت، ھەتا چەندین جارا پارتی تەکەستکریە کو ئەگەر رۆژەکێ ل رۆژان دگەل دەولەتەکێ دانوستانان بکەن یان بگەھنە رێکەفتنێ لدۆر ھەر پرسەکێ، ئەڤە تشتەکێ وەختیە و ئارمانجا سەرەکیا پارتی سەربخۆیا کوردستانێ یە، بێگومان خەلکێ کوردستانێ ژی یێ ھشیارە و دزانیت پەیام و ئارمانجا پارتی بۆچیە، ئەگەر رۆژەکێ خەلکەکێ ل بابەتێ سەربخۆیێ دا موزایەدەژی بسەر پارتی دا کربیت، ئەڤە زۆر پێڤەنەچوویە بەرۆڤاژی ئەنجامدایە و یێ رژدنەبویە لسەر پەیاما خوە، ئەگەرێ دویێ یێ مانا لیستا پارتی وەکی لیستا ئێکێ لسەر ئاستێ ھەرێما کوردستانێ و زێدەکرنا دەنگێن پارتی گرێدایی روویدانێن 16ی ئۆکتۆبەرا سالا بۆرینە، چونکە زۆلم و ستەمەکا مەزن ھەمبەر کوردان ھاتەکرن ل ئەڤان دەڤەران و تنێ پارتی بەرسینگا نەیارا گرت و ھەلویست ھەبو.
بەرواری گۆت” زۆر جارا پرسیارا ھندێ لمن بخوە دھاتەکرن ئەگەر شاندێ ھەرێما کوردستانێ بچیتە بەغدا دەستھەلاتدارێن بەغدا دێ دگەل کێ دانوستانان بکەن، مەرەما وان کەسان ئەڤەبو پارتی بێھێز بکەن و پشتگوە پاڤێژن، ھەموو بزاڤەک دھاتەکرن بۆ چەندێ پارتی لاوازبکەن و پێگەھێ پارتی نەمینیت، بەلێ ل رۆژا ھەلبژارتنان دەنگدەرا بەرسیڤداڤە، کو بدیتنامن ئەڤا 12ی ئایارێ چێبوی ریفڕاندۆمەکا دیکەبو ژلایێ خەلکێ کوردستانێ ھاتیەکرن، بتایبەتی نابیت رۆلێ نێچیرڤان بارزانی و مەسڕوور بارزانی بھێتە ژبیر ل ھشیارکرنا وەلاتیان.
ل دۆر سەرکەفتنا پارتی لپارێزگەھا دھۆکێ عەبدولسەلام بەرواری دیارکر” ئەگەر مە خەلکەک ھەبیت یێ عاجز ژبەر قەیرانێ و رەوشا ژیانا خوە مافێ خۆیە، چونکە ئەم دزانین یێ شەرمێ ژ خێزانا خوە دکەت، بەلێ دەمێ دچیتە سەر سندۆقا دەنگدانێ و قەلەمی ھەلگریت ئەزبێژم تێ دگەھیت بۆچی رەوشا ویا خراپە و لسەر پارتی حیساب ناکەت، ئەف رێژا پشکداریا وەلاتیان ل پارێزگەھا دھۆکێ بەرسیڤا ھەموو ئەڤان پرسیاران ددەت، دھۆک بۆ پارتی دھۆکا بەرێ نینە و ئیدی کۆرسیەکژی زێدەکر، ژبەرکو خەلکێ دھۆکێ باش دزانیت ئەگەر پارتی نەبایە نوکە حەشدا شەعبی دا ل دھۆکێ بیت، لەوڕا دھۆکیا ب دەنگێ خوە سوپاسیا پارتی کر، پشتی بەڕێز نێچیرڤان بارزانی ل دھۆکێ ڤەگەڕیای سۆزدایە رەوشا ئابوری باشتر بکەت، کەس وەکی من خەلکێ دھۆکێ نانیاسیت و ئەز دگەل بابێن وانا پێشمەرگەبووم، دھۆکی پارتی بوونێ ب ئەرکێ خوە دزانن لەو یا فەرە ھەمبەر ئەڤێ سەرکەفتنا پارتی ل سنورێ پارێزگەھا دھۆکێ پارتی دھۆکیا قەرەبو بکەت.